LEXO PA REKLAMA!

SHKARKO APP

Inceneratorët, “guri i provës” për drejtësinë/ Klodiana Lala: SPAK-u nuk mund të fshihet pas Dumanit

13 Qershor 2022, 14:40, Aktualitet CNA
Inceneratorët, “guri i provës” për
Gazetarja Klodiana Lala

Gazetarja Klodiana Lala deklaron se çështja "Dumani”, po tërheq vëmendjen nga inceneratorët.

Nga studio e "News 24", Lala theksoi se çështja e inceneratorëve është një çështje shumë e madhe dhe një test për SPAK-un dhe se nuk duhet të fshihet pas çështjes së Nuredin Dumanit.

“Dumani ka folur për disa ngjarje të rënda kriminale. Ka tërhequr vëmendje edhe për mënyrën se si e ka bërë narrativën, mënyra se si tregon se dikur ishte mik me Talo Çelën dhe më pas u kthye në armik të përbetuar. Pra, ka tërhequr vëmendje. Por duhet parë edhe mënyra se si qaset media. SPAK-u nuk duhet ta përdorë Dumanin si armë në duart e veta për të thënë që ne po punojmë dhe përmes tij, po godasim krimin. Por në raport me inceneratorët SPAK-u nuk duhet ta përdorë si armë për t’u thënë ndërkombëtarëve që ne jemi duke punuar. Sigurisht që është me rëndësi, por nga ana tjetër kemi miliona të vjedhura nga buxheti i shtetit, një megaoperacion, pra një test shumë i madh për SPAK-un. Sot kemi një ish-ministër dhe një ish-deputet prapa hekurave… Mendoj që në këtë histori janë të përfshirë deri në nivele të larta, deri te Kryeministri. SPAK-u duhet të na japë përgjigje për këto dyshime. Nuk besoj që për momentin ka çështje më të rëndësishme se inceneratori. Pra, inceneratorët janë rasti më tipik që ka përfshirë nivele të larta të qeverisjes”, tha gazetarja.

I të njëjtit mendim ishte edhe analisti Artur Zheji, i cili tha se inceneratorët godasin direkt personazhe të larta politike.

 “Çështja e Dumanit nuk duhet të heqë vëmendjen nga inceneratorët. Fakti që eklipsimi i rastit Dumani përbën shqetësim. Inceneratorët godasin direkt personazhe të larta politike, ndërsa për të shkuar nga Dumani te dërguesit e politikës është shumë më e vështirë”, tha Zheji./CNA.al

Lajmet e fundit nga