web counter
LEXO PA REKLAMA!

SHKARKO APP

App Store
Google Play

Drogë, korrupsion, krim/ Kush janë kryebashkiakët, deputetët dhe ministrat e Ramës të arrestuar

12 Qershor 2022, 17:10, Aktualitet CNA
Drogë, korrupsion, krim/ Kush janë kryebashkiakët, deputetët
Edi Rama

Qeveria “Rama”, do të mbahet mend për ministrat, kryebashkiakët dhe deputetët e lidhur me krimin.

Nuk mbahet mend që prokuroria të ketë prangosur aq shumë zyrtarë të lartë nga një parti politike sesa në Partinë Socialistë.

Për drogë, për korrupsion, për shpërdorim detyre dhe një sërë të tjerë veprash penale, kanë dërguar në burg ministra socialistë, kryebashkiakë dhe deputetë.

Në një vend me demokraci normale, Qeveria do të kishte rënë, por nga sknadali në skandal, kryeministri Edi Rama, thotë se nuk mban përgjegjësi.

Nuk mban përgjegjësi për njerëzit që ai ka zgjedhur vetë. Gjithçka në Partinë Socialiste shkon me një të kërcitur të gishtave të Ramës.

Por, kur vjen puna te mbajtja e përgjegjësisë, Edi Rama tërhiqet, thotë përgjegjësia është personale, ndërkohë krimet janë kryer nën logon e PS-së, nën strehën e Partisë Socialiste, me postin e firmosur nga Edi Rama.

Para disa ditësh në Itali është arrestuar ish-kryebashkiaku socialist i Vorës, Agim Kajmaku, pasi është kapur me 20 kg drogë.

Më poshtë po sjellim emrat e socialistëve të arrestuar për krime të ndryshme.

Të arrestuarit nën strehën e PS-së:

Lefter Koka, ish-ministër i Mjedisit. I arrestuar për korrupsion dhe pastrim parash!

Saimir Tahiri, ish-ministër i Brendshëm. I akuzuar për shpërdorim detyre dhe trafik droge!

Rovena Voda, ish-zv/ministre e Brendshme. E arrestuar për korrupsion!

Fatos Tushe, ish- kryetar i Bashkisë së Lushnjes. I arrestuar për shpërdorim detyre dhe korrupsion.

Ervis Roshi, ish-kryetar i Bashkisë Kavajë. I larguar nga procesi i dekriminalizimit.

Tom Doshi, ish-deputet socialist. I përjashtuar nga grupi parlamentar socialist pas akuzave që i bëri Ilir Metës se donte ta vriste. I shpallur "non grata" nga SHBA-ja.

Mark Frroku, ish-deputet. I arrestuar për vrasje të kryer në Belgjikë.

Armando Prenga, ish-deputet i Partisë Socialiste. I arrestuar si i përfshirë në ngjarjen e ndodhur në vitin 2015 në Laç ku mbetën të plagosur 7 persona./CNA.al





Lajmet e fundit nga