web counter
LEXO PA REKLAMA!

SHKARKO APP

App Store
Google Play

Prej kohësh “i zhdukur”/ Çfarë e zgjoi Lulzim Bashën

12 Qershor 2022, 10:38, Aktualitet CNA
Prej kohësh “i zhdukur”/ Çfarë e zgjoi Lulzim
Ish-kryetari i PD-së, Lulzim Basha

Ish-kryetari i PD-së, Lulzim Basha, prej kohësh “i zhdukur” nga politika, është shfaqur sot në rrjetet sociale dhe ka përkujtuar një datë shumë të rëndësishme për Kosovën, 12 qershorin e vitin 1999, e cila shënohet si Dita e Lirisë apo Çlirimit të Kosovës.

Përmes një statusi në rrjetet sociale, Basha shkruan se në këtë ditë të shënuar nderimi shkon për bijtë dhe bijat e Kosovës që dhanë jetën për liri.

“12 qershori 1999 shënoi fundin e një lufte të drejtë dhe sakrificash mbinjerëzore për realizimin e ëndrrës shekullore për një Kosovë të lirë. Në këtë ditë të shënuar, nderimi ynë i thellë shkon për bijat dhe bijtë e Kosovës që dhanë jetën për liri, për qëndresën paqësore të Presidentit historik, Ibrahim Rugova, për luftën heroike të Ushtrisë Çlirimtare të Kosovës dhe simbolit të saj, Komandantit Legjendar, Adem Jashari.

Në këtë rrugëtim plot sakrifica dhe shpresë drejt ëndrrës së çlirimit të Kosovës, shqiptarët ju janë përjetë mirënjohës aleatëve tanë strategjikë, vendeve anëtare të NATO-s të udhëhequr nga SHBA ????????, vendeve mike dhe aleate të Europës dhe partnerëve të tjerë që mbështetën dhe luftuan për kauzën e drejtë të Kosovës së lirë, si dhe për ndihmën e vazhdueshme që kanë dhënë e japin për konsolidimin e shtetit demokratik të Kosovës”, shkruan Lulzim Basha./ CNA.al

Prej kohësh “i zhdukur”/ Çfarë e zgjoi Lulzim





Lajmet e fundit nga