web counter
LEXO PA REKLAMA!

SHKARKO APP

App Store
Google Play

E fundit!

x

Ambasada e SHBA-së kujton sfidën e ish-Presidentit Reagan/ Mesazhi për Mihail Gorbaçovin nga Berlini

12 Qershor 2022, 16:16, Aktualitet CNA
Ambasada e SHBA-së kujton sfidën e ish-Presidentit Reagan/ Mesazhi
Ronald Regan më 12 qershor 1987, pas tij ndodhej Muri i Berlinit dhe porta e Brandenburgut

Ambasada e SHBA-së në Tiranë ka kujtuar mesazhin që ish-Presidenti i SHBA-së, Ronald Reagan, dha për Mihail Gorbaçovin 35 vite më parë, kur ky i fundit ishte Sekretar i Përgjithshëm i Komitetit të Partisë në Rusi.

Teksa fliste përpara berlinezëve perëndimorë në 12 qershor të 1987-ës, Reagan i kërkoi Gorbaçovit që të hapë portën e Brandenburgut dhe të shembë Murin e Berlinit.

Ambasada deklaron se këshilltarët kryesorë të Shtëpisë së Bardhë ishin kundër sfidës së Reganit ndaj Gorbaçovit, por nuk fituan dot.

"Zoti Gorbaçov, hape këtë portë”. Këto ishin fjalët e Presidentit Amerikan Ronald Reagan 35 vjet më parë, më 12 qershor 1987, teksa iu drejtua njerëzve në Portën e Brandenburgut, pranë Murit të Berlinit. "Zoti Gorbaçov, shembe këtë mur”! A e dini se këshilltarët kryesorë të Shtëpisë së Bardhë ishin kundër sfidës së Reganit ndaj Gorbaçovit, por nuk fituan dot? Peter Robinson shërbeu si shkrues fjalimesh dhe Ndihmës i Veçantë i Presidentit Reagan, duke shkruar më shumë se 300 fjalime, përfshirë edhe fjalimin e Murit të Berlinit të vitit 1987”, thuhet në deklaratën e ambasadës amerikane./ B.A. – CNA.al





Lajmet e fundit nga