LEXO PA REKLAMA!

SHKARKO APP

Ironia e Lutfi Dervishit/ 10 kriteret për karrierë politike dhe administrative

12 Qershor 2022, 21:26, Aktualitet CNA
Ironia e Lutfi Dervishit/ 10 kriteret për karrierë politike dhe
Gazetari Lutfi Dervishi

Gazetari Lutfi Dervishi ka reaguar me tone ironike pas arrestimit të ish-kryebashkiakut të Vorës, Agim Kajmaku, në Itali me 20 kilogramë kokainë.

Duke marë shkas nga ish-kryebashkiaku socialist dhe nga përfshirja e shumë politikanëve të tjerë në korrupsion dhe aktivitete kriminale, Dervishi ka renditur disa “kritere” për karrierë politike dhe administrative.

Kriteret për karrierë politike & administrative:

1. Ndërrim emri ose mbiemri më shumë se dy herë: specialist i thjeshtë, kryetar seksioni partie.

2. Diplomë false, master fals, shef sektori, kryetar organizate.

3. Skifter recidivist: drejtor drejtorie lokale, kryetar i degës së partisë.

4. Vrasës serial: specialist në administratën e burgjeve, kryetar dege rrethi.

5. Tutor prostitutash: drejtor drejtorie, deri në deputet.

6. Trafikant kanabisi: drejtor drejtorie rajonale, kryetar bashkie i kategorisë së dytë.

7. Trafikant heroine: drejtor i përgjithshëm, deputet, (nëse je edhe vrasës kalon anëtar i komisionit të ligjeve.

8. Trafikant kokaine: drejtor departamenti, zv. Ministër, kryetar bashkie i kategorisë së parë, deputet, anëtar i komisionit të sigurisë kombëtare.

9. Pastrues parash: ministër, deputet, post drejtues i grupit parlamentar.

10. Plagjiaturë në doktoraturë, drejtor drejtorie, deputet, kryetar grupi parlamentar, zv/ministër, ministër!”, shkruan gazetari në rrjetet sociale./ B.A. - CNA.al

Lajmet e fundit nga