web counter
LEXO PA REKLAMA!

SHKARKO APP

App Store
Google Play

E fundit!

x

I doli emri në përgjimet e SPAK-ut/ Mjeku Aurel Vula thyen heshtjen, mohon akuzat

13 Qershor 2022, 10:13, Aktualitet CNA
I doli emri në përgjimet e SPAK-ut/ Mjeku Aurel Vula thyen heshtjen,
Mjeku pediatër, Aurel Vula

Aurel Vula, mjeku pediatër, të cilit i doli emri në përgjimet e SPAK-ut për trafikimin e ilaçeve në rrugë kontrabandë nga Italia, ku lëshoheshin recetave fiktive, ka dalë me një reagim.

Me anë të një postimi në rrjete sociale, Vula jep versionin e tij.

“Duke marrë shkas nga njoftimi i bërë publik ditët e fundit nga autoritetet e drejtësisë italiane dëshiroj t’i bëj të ditur publikut shqiptar si vijon: Përfshirja e personit tim dhe familjarëve të mi në këtë njoftim nuk ka asnjë lidhje me realitetin e ndërtuar në media këto ditë.

Për të qënë transparent, arsyet e vizitave tona familjare në Itali kanë qenë krejtësisht shëndetësore, të lidhura me rrezikimin e jetës së dy prindërve të bashkëshortes sime. Të dy këta të fundit i janë nënshtruar ndërhyrjeve të përsëritura kirurgjikale në zemër nga ku nëna e bashkëshortes humbi edhe jetën.

Të gjitha këto ngjarje shëndetësore janë të dokumentuara nga autoritetet spitalore italiane. Nisur nga drama familiare për humbjen e njeriut të afërt, kjo ngjarje krijon sensitivitet të lartë për mua dhe familiarët e mi”, shkruan Vula.

Me tej, ai mohon të ketë lëshuar certifikatë, epikrizë apo ndonjë dokument që të mund të lehtësonte procedurat e kalimit të kufirit të shtetasve shqiptarë gjatë kohës së pandemisë në shtetin italian.

“Unë jam mjek pediatër dhe me përgjegjshmëri të plotë deklaroj se në asnjë moment: Nuk kam lëshuar asnjë çertifikatë apo epikrizë përcjellëse për pacientë të sugjeruar për shtrim në Itali

Nuk kam lëshuar asnjë dokument të çfarëdolloj natyre që të mund të lehtësonte procedurat e kalimit të kufirit të shtetasve shqiptarë gjatë kohës së pandemisë në shtetin Italian.

 I lutem të gjitha mediave të respektojnë integritetin tim profesional dhe moral të cilin e kam ndertuar me përkushtim dhe sakrifica në çdo kohë në ndihmë të çdo pacienti, pa lënë mënjanë kontributin gjatë periudhes së pandemisë si pasojë e Sars-Cov 19.

Në të njëjtën kohë, falenderoj të gjithë dashamirësit të afërm , kolegë dhe pacientët e mi për mbështetjen e treguar me anë të mesazheve dhe telefonatave të panumërta gjatë këtyre ditëve.

Me besimin e plotë tek drejtësia”, përfundon reagimin mjeku pediatër./CNA.al

I doli emri në përgjimet e SPAK-ut/ Mjeku Aurel Vula thyen heshtjen,





Lajmet e fundit nga