Kryeministri Edi Rama ka ndarë në rrjetet sociale postimin...
Drejtësia me dy standarde/ Pse po “sulmohen” mjekët dhe mësuesit
13 Qershor 2022, 14:07, AktualitetCNA
Foto ilustruese
Aktivistja Elona Caslli ka komentuar hetimet në lidhje me mjekët dhe mësuesit.
Në një postim në rrjetet sociale, Caslli shkruan se mjekët dhe mësuesit përdoren sistematikisht si valvulë shkarkimi për të përligjur dështimin e Reformës në Drejtësi që krejt “rastësisht” gjen kohën për të gjuajtur mjekët dhe mësuesit, por kurrsesi politikanët.
“Histeria kolektive mbi mjekët dhe mësuesit si valvulë shkarkimi për dështimin e Reformës në Drejtësi.
Mjekët dhe mësuesit përdoren sistematikisht si valvulë shkarkimi për të përligjur dështimin e Reformës në Drejtësi që krejt 'rastësisht', gjen kohën për të gjuajtur mjekët dhe mësuesit, por kurrsesi politikanët.
Që sistemi shëndetësor dhe ai arsimor kanë qindra probleme këtu, biem në një mendje të gjithë, por të kesh prioritet mjekun dhe mësuesin në goditje, kur ke dhjetëra politikanë që duhet të ishin pas hekurave, kjo do të thotë ta përdorësh mjekun apo mësuesin si valvulë shkarkimi për t’u krijuar iluzionin shqiptarëve se diçka po bëhet me drejtësinë në vend.
Kryqëzohen mjekët dhe mësuesit dhe komentet që vijojnë janë: Mirë t’ua bëjnë! Në burg të shkojnë të gjithë!
Kështu populli kënaqet se Drejtësia po vihet në vend, ndërkohë që i njëjti popull harron se do të mjaftonte thjesht çështja e inceneratorëve që një varg figurash të politikës shqiptare të plaseshin pas hekurave, por jo. Populli kënaqet në mentalitetin se diçka e vogël po lëviz dhe drejtësia e munguar po vjen.
Sa herë goditet një mjek apo mësues, fshihen skandalet e dhjetëra politikanëve dhe krijohet iluzioni se Drejtësia po vihet në vend.
Post Scriptum- Drejtësia me dy standarde nuk është drejtësi. Është padrejtësi më vete.” -shkruan Caslli./
