LEXO PA REKLAMA!

SHKARKO APP

Harta e re gjyqësore/ Avokatët nisin "kërcënimet"

13 Qershor 2022, 10:55, Aktualitet CNA
Harta e re gjyqësore/ Avokatët nisin "kërcënimet"
Avokati, Maksim Haxhia

Kreu i Dhomës së Avokatisë, Maksim Haxhia, ka paralajmëruar se do të nisin bojkotoin e seancave gjyqësore, për shkak të ndryshimeve në Hartën e re Gjyqësore.

Në një deklaratë për mediat, Haxhia ka theksuar se kanë kundërshtuar hartën e re gjyqësore, dhe bojkoti do të nisë nga data 14 qershor.

Sipas Haxhisë, nuk është marrë parasysh asnjë nga kërkesat e tyre, pasi kanë kërkuar 3-4 gjykata apeli.

“Synojmë të sensibilizojmë të gjithë shtetasit, duhet ta kenë të qartë të ndërgjegjësohen duke dhënë mesazhe se vetëm interesat e tyre nuk përfaqësohen nga kjo hartë gjyqësore.

Cenon rëndë aksesin në drejtësi, jo vetëm të individëve, por edhe personat juridikë, si dhe rrit kostot dhe shpenzimet.

Më kryesorja është se duke ardhur në një gjykatë apeli në Tiranë, që është në kushtet e një amullie për zgjidhjen e çështjeve, imagjino që do të jenë apelet e gjithë Republikës.

Nuk janë marrë asnjë nga propozimet tona. Ne kërkojmë që të paktën të jenë 3-4 apele, në të gjithë Republikën. Nesër nisim bojkotin e seancave. Kush nuk e respekton rrezikon heqje license”, është shprehur Haxhia./ CNA.al

Lajmet e fundit nga