E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Goditja e mjekëve, dështim i Reformës në Drejtësi/ Si po “amnistohen” kriminelët

11 Qershor 2022, 13:27, Denoncim CNA

Goditja e mjekëve, dështim i Reformës në Drejtësi/ Si

Foto ilustruese

Reforma në Drejtësi dhe institucionet e reja të dala prej saj, të trumbetuara fort në media, por edhe me mbështetjen e fortë të ndërkombëtarëve, janë parë si shpresë për shqiptarët, për goditjen e krimit dhe korrupsionit në nivelet e larta.

Por, çfarë ndodh?

Goditja më e madhe ka ndodhur ndaj mjekëve, bluzave të bardha. Nga mëngjesi në darkë raportohet në media, a thua se problemi më i madh, kriminelët më të mëdhenj, qenkan mjekët.

Ka pasur shumë hetime nga prokuroria, janë “masakruar” bluzat e bardha, sikur të ishin ata “kriminelët”. Sikur ato pesë lekë që marrin nën dorë mjekët, qenkan problemi më i madh në vendin tonë.

Megjithëse edhe mjekët janë njerëz, mund edhe të gabojnë, mund edhe të ketë korrupsion. Dhe sigurisht që ky është një problem.

Por, a mund të krahasohet me korrupsionin në politikë?

A mund të krahasohet me korrupsionin me inceneratorët? Me koncesionet e Rilindjes?

A mund të krahasohet me skandalin “NOA”, e cila del në kontrata skandaloze dhe tendera me procedura të dyshimta?

A mund të krahasohet me korrupsionin në media?

A mund të krahasohet me zullumin e Qeverisë apo me llumin opozitar kur në krye të saj ishte Lulzim Basha?

Të gjitha këto qëndrojnë ku e ku krahasimisht me mjekët.

Mjekët, sikurse e theksuam edhe më lart, ndoshta vërtetë marrin lekë, por kurojnë me mijëra njerëz në ditë.

Dhe ndërkohë, me sulme dhe presione, po ua bëjnë profesionin të pamundur, po u krijojnë stres të panevojshëm.

Po pse problemi i shqiptarëve janë ato 5 lekë që marrin mjekët?

Mund të jetë dhe kjo.

Por, Shqipëria ka krimin rrugës. Banditët ikin se i njofton policia.

Problemi i vërtetë janë janë dosjet mal me korrupsionin e ministrave të Edi Ramës. Abuzimet, skandalet, vjedhjet dhe korrupsioni në media. Korrupsioni i drejtësisë dhe vendimet skandaloze kriminale.

Problemi është një parlament, dje i inkriminuar dhe të nesërmen me budallenjë. Një parlament i përçarë, i përçudnuar dhe i korruptuar.

Janë katër shtyllat kryesore të shtetit, që nga ekzekutivi e deri te mediat.

Problemi është se qytetari i thjeshtë nuk sheh një fije shprese, por duhet të dëgjojë lajme që hajdutët, kriminelët më të mëdhenj janë doktorët.

Po godasin bluzat e bardha e po lënë kriminelet në rrugë, ky është krimi më i madh.

Marrëdhënia mjek-pacient, është një marrëdhënie midis dy privatëve.

Por, po ai që vjedh 25 orë taksat e qytetarëve, si duhet ta quajmë?

Nuk është ky problem më i madh sesa pesë lekë që merr një mjek?/CNA.al