E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Tenderat, në duar të grupeve kriminale/ Kush është Gentian Sharra me pasuri 5 milionë euro?

10 Qershor 2022, 12:15, Aktualitet CNA

Tenderat, në duar të grupeve kriminale/ Kush është Gentian

Sot, Drejtori i Drejtorisë së Policisë Elbasan, Ardian Çipa, së bashku me Kreun e Prokurorisë së Elbasanit, Kreshnik Ajazi, dhe prokurorin e çështjes, Xhelian Seferi, në konferencë për shtyp njoftuan se janë sekuestruar pasuritë me vlerë rreth 5 milionë euro të Gentian Sharrës dhe babait të tij.

Bëmat e Gentian Sharrës janë zbardhur nga dy të penduarit e drejtësisë, Nuredin Dumani dhe Henrik Hoxha, të cilët kanë zbërthyer vrasjet nga grupet e organizuara kriminale të një dekade, nga viti 2011 deri në 2022-shin.

Nga dëshmitë e të penduarve është zbuluar se si bashkëshortja e Gentian Sharrës, O.Sharra, pronare e një kompanie, ka fituar një kontratë të majme me Spitalin Psikiatrik “Sadik Dinçi” në Elbasan.

Një kontratë kjo me vlerë 11 217 107 lekë, për “Shërbim gatimi dhe shpërndarje ushqimi për Spitalin Psikiatrik me financim nga buxheti i shtetit".

Ndërsa procedura e prokurimit është zhvilluar më 27 mars të vitit 2020.

Emri i Gentian Sharrës është lakuar në hetimet për grabitjen në Rinas.

Sipas SPAK-ut, Gentian Sharra është akuzuar si organizator dhe bashkëpunëtor i disa grabitjeve.

Gjithashtu, Sharra njihet si mik i ngushtë me Talo Çelën, të cilët së bashku akuzohen si autorë të disa ngjarjeve kriminale.

Në vitin 2013 ai ka qenë pjesë e grabitjes së ndodhur të Hamit Haxhias. Sharra bashkë me Talo Çelën pretendonin se do të grabisnin një shumë prej 200 mijë eurosh, ndërsa në këtë grabitje pjesëmarrës ishte edhe Nuredin Dumani.

Edhe në vitin 2011, ku janë grabitur rreth 20 mijë euro, del emri i Gentian Sharrës.

Akuzat ndaj Gentian Sharrës

– "Vjedhje me dhunë”, në dëm të shtetasit Lirak Bajraktari, ndodhur në Elbasan në datën 22.02.2011, kryer në bashkëpunim në formën e posaçme të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

– “Vjedhje me dhunë”, në dëm të shtetasit Shyqyri Shala, e kryer në datën 13.02.2012 në qytetin e Kavajës, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

– “Vjedhje me dhunë”, në dëm të shtetasit Hamit Haxhia, e kryer në datën 11.02.2013 në qytetin e Durrësit, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.

– “Vjedhje me armë në bashkëpunim”, në dëm të shtetasit Xhemali Liçi (ngjarje e ndodhur në datën 19.12.2012 në qytetin e Elbasanit), “Prodhimi dhe mbajtja pa leje e armëve dhe municioneve luftarake”, kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe "Kryerja e veprave penale nga grupi i strukturuar kriminal dhe organizata kriminale”.

– “Vjedhje me dhunë”, në dëm të shtetasit Hamdi Sharka (ndodhur në fshatin Polizhan–Berat), kryer në bashkëpunimin e posaçëm në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.