LEXO PA REKLAMA!

SHKARKO APP

“Çmenduri!”/ Denoncon Taulant Muka: Një doktorant paguan 4.5 milionë lekë tek “Ekonomiku”

9 Qershor 2022, 19:21, Aktualitet CNA
“Çmenduri!”/ Denoncon Taulant Muka: Një doktorant paguan
Ish-zëvendësministri i Arsimit, Taulant Muka

Ish-zëvendësministri i Arsimit, Taulant Muka, ka bërë një denoncim në rrjete sociale, lidhur me studimet për doktoraturë në Tiranë.

Me anë të një sttausi në rrjetet sociale, Muka deklaron se një doktorant duhet të paguajë një faturë 4.5 milionë lekë te Fakulteti i Ekonomisë.

Ai thotë se një doktoranti në Tiranë nuk i ofrohet as zyrë dhe as buxhet për të bërë studime, ndërsa shprehet se e kundërta ndodh në Bern.

“4.5 milionë lekë fatura që një doktorant duhet të paguajë për një doktoraturë tek Ekonomiku në Tiranë, dhe për më tepër, doktoranti nuk paguhet, nuk ka një zyrë dhe nuk ka as buxhet për të bërë studimin apo paguar udhëtimet në konferenca dhe faturën për publikimet në revistat shkencore! Është krim!

Në Bern një doktorant paguan rreth 300 Euro, dhe jo vetëm paguhet rreth 3800-4000 euro në muaj për të paktën 3 vite (si në gjithë botën e zhvilluar), por ka kurse metodologjike që ofrohen falas nga universiteti, zyrë, askes te revistat shkencore dhe supervizori mbulon kostot për të dhënat dhe të gjitha shpenzimet e tjera që i mundësojnë kryerjen e doktoraturës.

Përse një student që kërkon karrierë akademike duhet të paguajë për të bërë një doktoraturë në Tiranë? Për profesorët plagjiaturë?!

Çmenduri!”, shkruan ish-zv.ministri./ B.A. – CNA.al

Lajmet e fundit nga