web counter
LEXO PA REKLAMA!

SHKARKO APP

App Store
Google Play

E fundit!

x

AMA dhe KPM takojnë Federal Communication Commission/ Tri projekte ku do të nisë bashkëpunimi

9 Qershor 2022, 08:48, Aktualitet CNA
AMA dhe KPM takojnë Federal Communication Commission/ Tri projekte ku do
AMA dhe KPM takojnë Federal Communication Commission

Delegacionet e rregullatorëve të Shqipërisë dhe të Kosovës gjatë  vizitës në Shtetet e Bashkuara të Amerikës u takuan me përfaqësues të lartë të institucionit homolog amerikan Federal Communication Commision (Komisioni Federal i Komunikimit).

Në takim morën pjesë për AMA: kryetarja znj. Armela Krasniqi, Sekretarja e Përgjithshme në detyrë, njëkohësisht drejtore e Marrëdhënieve me Jashtë, Romelda Rrapollari, ndërsa për KPM kryetari z.Xhevat Latifi, zëvendësues i kryeshefit ekzekutiv, Faruk Rexhaj.

Për palën e Komisionit Federal amerikan të Komunikimit znj. Olga Madruga-Forti, shefe për Strategjitë Globale, Zyra Ndërkombëtare, Ira Keltz, kryeshefi i Zyrës për Inxhinieri dhe Teknologji, z. Jim Szeliga, shef i kujdesit ndaj klientit.

Një takim i frytshëm ku u vendosën urat e bashkëpunimit ndërmjet institucioneve dhe shtyllat kryesore ku shkëmbimi i eksperiencës do të fokusohet.

Në këtë kontekst, partnerët e FCC shprehën gatishmërinë për asistencën e tyre në veprimtarinë e mëtejshme të AMA-s dhe KPM nëpërmjet mbështetjes teknike dhe shkëmbimit të praktikave më të mira.

Edhe pse AMA e KPM u takuan për herë të parë me Komisionin Federal të Komunikimit u vendosën konkretisht tri fusha të nisjes së punës së përbashkët:

Lirimi i brezave frekuencorë me fokus të veçantë informimin e shikuesit mbi procesin

Procesi i rinovimit të licencave

Rregullimi audiovizual dhe i përmbajtjes

Bashkëbiseduesit shprehën vullnetin se është vetëm fillimi i një ndërlidhjeje institucionale dhe vendosën afate kohore të përbashkëta për takimet e radhës./CNA.al

AMA dhe KPM takojnë Federal Communication Commission/ Tri projekte ku do





Lajmet e fundit nga