web counter
LEXO PA REKLAMA!

SHKARKO APP

App Store
Google Play

E fundit!

x

Provimet e maturës/ Specialisti Ardi Stefa: Duhet më shumë “tolerancë” me nxënësit

8 Qershor 2022, 18:06, Aktualitet CNA
Provimet e maturës/ Specialisti Ardi Stefa: Duhet më shumë
Profesori dhe specialisti i arsimit, Ardi Stefa

Profesori dhe specialisti i arsimit, Ardi Stefa, ka kërkuar të ngrihet zëri për mënyrën sesi po hartohen tezat e provimeve të maturës dhe sesi vlerësohen nxënësit.

Në një prononcim për CNA.al, Stefa tha se tezat duhet të hartohen nga një grup mësuesish, të cilët janë të certifikuar dhe janë kompetentë.

Specialisti i arsimit deklaroi se tezat duhet të jenë brenda programit të lëndëve që janë bërë në gjimnaz, ndërsa theksoi se duhet treguar më shumë “tolerancë” me nxënësit.

Profesori kujtoi për CNA.al faktin se nxënësit kaluan pothuajse dy vite në pandemi me mësim online, e për këtë arsye nënvizoi se ndoshta duhet të bëhet një lloj uljeje e marzhit të pikëve.

“Do të ishte e mirë të ngrihet zëri, pavarësisht se ndoshta jemi vonë në këtë moment që flasim, tezat duhet të hartohen nga një grup mësuesish, të cilët janë të certifikuar dhe janë kompetentë. Pra, duhet të dihet se nga kush dhe si janë certifikuar këta mësues, hartues të tezave.  E para dhe e dyta, duhet të jenë brenda programit të lëndëve që janë bërë në gjimnaz.

E treta, që është shumë e rëndësishme, duhet që në këto teza të hartuara sivjet duhet të merret parasysh edhe fakti që një pjesë e madhe, domethënë dy vjet të shkollës së këtyre maturantëve, pothuajse kaluan në pandemi.

Pra, duhet ndoshta të ketë edhe nga ana shkencore një lloj tolerimi apo një lloj uljeje të marzhit të pikëve, të ketë një lloj “tolerance” në vlerësimin e tyre. Nuk është normale të kërkohet një gjë e tillë, por duke pasur parasysh që dy vjet këta pothuajse i kaluan në pandemi, atëherë duhet që të ketë një llojë “tolerance” të tillë”, deklaroi Ardi Stefa./ Brunilda Allkja – CNA.al





Lajmet e fundit nga