E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Beteja e PD-së në Gjykatën e Apelit/ Vijon loja me caktimin e gjyqtarëve

8 Qershor 2022, 11:40, Aktualitet CNA

Beteja e PD-së në Gjykatën e Apelit/ Vijon loja me caktimin e

Gjykata e Apelit ka dhënë detaje në lidhje me çështjen e PD-së në Gjykatë.

Çështjen e Kuvendit të korrikut të PD-së e kanë rishortuar dhe në bazë të shortit elektronik dosja gjyqësore i ka rënë për gjykim gjyqtares relatore Irida Kacerja.

Njoftimi i Gjykatës së Apelit

Duke marrë parasysh interesimin e shtuar të mediave, shtypit të shkruar dhe atij online, si edhe në përgjithësi opinionit publik, jeni informuar se: Në Gjykatën e Rrethit Gjyqësor Tiranë u shqyrtua kërkesa me Nr. 214 Akti, datë 13.12.2021, me kërkuese: Partia Demokratike e Shqipërisë, përfaqësuar nga Sekretari i Përgjithshëm z. Gazment Bardhi, me objekt:

Pasqyrimin e ndryshimeve të Statutit të Partisë Demokratike të Shqipërisë dhe të organeve të reja të zgjedhura në Kuvendin Kombëtar të datës 17.7.2021, e gjykuar nga gjyqtare znj. Blerina Muça, për të cilën kjo gjykatë ka dhënë vendimin nr. 2, datë 18.03.2022 dhe ka vendosur:

“1. Pranimin e kerkeses se palës kërkuese Partia Domokratike e Shqipërisë.

Depozitimin e satutit dhe vendimeve të dala nga Kuvendi Kombetar i Partise Demokratike te Shqiperise e dates 17.07.2021.

Kunder ketij vendimi mund te behet ankim sipas ligjit.” Kundër këtij vendimi ka paraqitur ankim vetë pala kërkuese Partia Demokratike e Shqipërisë.

Në datën 12.04.2022, është dërguar nga Gjykata e Rrethit Gjyqësor Tiranë, pranë Gjykatës së Apelit Tiranë ankimi i mësipërm dhe në bazë të shortit elektronik relator i çështjes, është caktuar gjyqtar Genti Shala.

Në vijim të komunikimit me median dhe publikun ju informojmë se: Në bazë të vendimit nr.7, datë 01.06.2022, të Këshillit të Gjykatës së Apelit Tiranë “Për rindarjen me short të çështjeve gjyqësore”, në kushtet e caktimit rishtazi (ngritjen në detyrë) në këtë Gjykatë të katër gjyqtarëve,znj. Elona Mihali, znj. Irida Kacerja, znj. Marsela Dervishi dhe znj. Ornela Naqellari është vendosur rindarja me short midis gjyqtarëve të çështjeve civile, të cilat nuk janë shpallur për gjykim nga gjyqtarët Alma Ahmeti, Edlira Petri, Elbana Lluri, Emona Muci, Genti Shala, Ilir Toska dhe Valdete Hoxha, të ngarkuar më herët si relatorë, deri në ngarkesën mesatare të ponderuar të çështjeve civile.

Në total janë 12.863 çështje civile të regjistruara nga viti 2016- 22.04.2022, të cilat iu nënshtruan procedurës së rishortimit. Në bazë të shortit elektronik dosja e mësipërme gjyqësore i ka rënë për gjykim gjyqtares relatore Irida Kacerja./CNA.al