web counter
LEXO PA REKLAMA!

SHKARKO APP

App Store
Google Play

'Toyota Yaris'/ Artan Hoxha zbardh detaje nga dëshmia në Belgjikë

7 Qershor 2022, 22:28, Aktualitet CNA
'Toyota Yaris'/ Artan Hoxha zbardh detaje nga dëshmia në
Gazetari Artan Hoxha

Gazetari Artan Hoxha ka folur sërish mbrëmjen e sotme për dëshminë e tij në Belgjikë, lidhur me çështjen e "Toyota Yaris".

Hoxha tha se çështja u trajtua me shumë seriozitet dhe deklarimet ishin të detajuara, ndërsa theksoi se prokurorët belgë kishin ndjekur edhe deklaratat e politikanëve shqiptarë në emisione.

Ai tregoi në “A Show” se një nga pyetjet që i kishin bërë, ishte se përse i interesonte hetimi për “Toyota Yaris".

"Shkoja për herë të parë te zyrat qendrore të policisë federale. Serioziteti, mënyra si e morën çështjen, si i morën deklarimet, sa të detajuara ishin ato. Ata kishin ndjekur deklaratat e politikanëve shqiptarë në Parlament dhe media. Midis gjërave që m'u vunë përpara, kishin zbardhur deklaratat e politikanëve të bëra në "Syri Tv". Edhe emisioni juaj, në dhjetor të vitit të kaluar kur nuk erdha dot, se duhet të vija pas 1 jave, dhe ata e kishin zbardhur, në "Syri Tv" politikani filan ka thënë kështu, njëri ishte i mazhorancës dhe tjetri i opozitës. E kishin marrë seriozisht. Prokurorët tanë as nuk guxojnë ta bëjnë një gjë të tillë, që të nisin hetime nga deklarata në media. Politikanët tanë ti e di si i lëshojnë deklaratat.

Unë aty pashë se sa diskretë ishin. Dhe një nga pyetjet ishte: Pse të intereson ky hetim? Dhe i thashë, më intereson se ju po hetoni klasën politike shqiptare dhe unë dua të shikoj se në çfarë niveli është angazhimi i tyre në situata të tilla. Ata ditë që kam qenë unë në Belgjikë, janë kapur 7 ton kokainë në Guajakil që do të vinin në portin e Antwerp dhe dyshoheshin të përfshira organizata shqiptare. Ata ishin të detajuar. Ata po hetojnë një gjë që ne e kemi mbyllur prej 6 muajsh, e kemi mbyllur dhe kemi thënë që këtu s'ka deklarim parash prej 3.4 mln eurosh, ndërkohë ne kapim plaka në kufi që kanë marrë 10 mijë e 100 euro nga fëmijët e tyre dhe për ato 100 euro shkon në kokërr të burgut se nuk e ka deklaruar", theksoi gazetari./ B.A. - CNA.al





Lajmet e fundit nga