LEXO PA REKLAMA!

SHKARKO APP

Dëshmoi 4 orë para prokurorëve belgë/ Artan Hoxha tregon çfarë pritet të ndodhë në qershor

23 Maj 2022, 20:05, Aktualitet CNA

Gazetari investigativ, Artan Hoxha, ka treguar me detaje se çfarë ndodhi në Belgjikë, ku ai ishte thirrur si dëshmitar nga prokuroria belge për ?Toyota Yaris?.

Ai theksoi se hetimet belge nuk ishin shtrirë në fushën politike ashtu siç flitet në Shqipëri, por për atë kriminale.

?Sigurisht që çështja në Belgjikë është bërë e famshme për ‘Toyota Yaris’, edhe pse është auris. Kanë qenë dy makina, se kanë qenë 3.4 milionë euro, edhe pse prokuroria jonë e mbylli çështjen vetëm për mosdeklarim të hollash, gjë që ua bënë vetëm nënave të emigrantëve. Gjithsesi, ky është hetim që prokuroria belge e ka nisur që në vitin 2018, është një hetim që ka zgjatur.

Në Belgjikë unë isha i fundit si dëshmitar. Ka qenë seancë që zgjati diku te 4 orë, sigurisht që çështja do të dalë në gjykim në qershor të këtij viti, aty do të njihemi edhe me objektivin e tetë. Janë kapur dy shtetas shqiptarë, njëri është kapur në Maqedoninë e Veriut dhe tjetri në Malin e Zi dhe të ekstraduar në Belgjikë. Sigurisht që për pjesën time donin të dinin mbi informacionet e mia. Me sa duket zyra policore që ata kanë në Tiranë nuk e merr rrogën kot, ata kishin zbardhur të gjitha deklaratat. Ishin deklarata të bëra në Kuvend, nga ish-kryeministri, kryeministri, nga ata kishin ngritur pyetje. Ata kërkonin shumë më tepër nga ajo çfarë është folur, por është pjesë e atyre deklarimeve që unë kam folur dhe firmosur me shkrim. Unë e shfrytëzova këtë pjesën e mbrojtjes së burimit, se u paraqita si gazetar atje?, tha Hoxha.

I pyetur nëse Balla dhe Basha janë vetëm për konsum politik, Hoxha tha: Deklaratat e tyre publike i kanë zbardhur, por ata ishin fokusuar te çështja konkrete. U kishte bërë përshtypje se si personazhe të këtij niveli bënin deklarata të tilla, por u thashë se jemi në Shqipëri. Pjesa tjetër thashë që do të jetë pjesë e sekretit hetimor, në qershor do të mësojmë elementë të rinj. Por ajo që është e qartë është se ne në Shqipëri nuk jemi marrë me ata që i kanë paratë, por me ata që i transportonin, ndërkohë belgët interesoheshin përtej, ata ishin të qartë se kishin kapur vetëm transportuesit, donin të shkonin edhe më tej. Ata donin të dinin se për çfarë i përdornin grupet kriminale këto para këtu.

Ata kishin objeksionet e veta me autoritetet shqiptare, por ende ishin larg rezultateve, ata kishin vetëm një fotografi në këto momente, kriminaliteti shqiptar përbënte problem se ishin kryer vrasje. Pra, ne po shkaktonim probleme atje, por ata ishin të qartë, ata e quanin këtë gjë si një rritje të aktivitetit të krimit të organizuar shqiptar, kërkonin elementë se deri ku ishte e përfshirë politika shqiptare, deri ku ishte mundësia për t?i luftuar. Dhe e fundit që dua të them ishte fakti se ata tashmë ishin të qartë dhe kishin krijuar grupe pune të posaçme që çdo muaj vijnë në Shqipëri dhe bëjnë hetime. Ata kishin ngritur grupe pune që merren me kriminalitetin shqiptar. Ata ishin të detyruar të mësonin shqipen, oficerët federalë flisnin shqipen dhe merreshin me detaje, dhe kishin shumë të arrestuar shqiptarë të cilët i cilësonin si xhevahirë, ku njëri prej tyre doli dhe tek operacioni i fundit.

 

Lajmet e fundit nga