web counter
LEXO PA REKLAMA!

SHKARKO APP

App Store
Google Play

Pas disa ditësh/ Neutralizohen vatrat e zjarrit në ishullin e Sazanit dhe Mirditë

7 Qershor 2022, 17:32, Aktualitet CNA
Pas disa ditësh/ Neutralizohen vatrat e zjarrit në ishullin e Sazanit
Foto nga terreni

Pas disa ditësh pune, neutralizohen vatrat e zjarrit në ishullin e Sazanit dhe Mirditë.

Lajmin e ka bërë të ditur ministri i Mbrojtjes, Niko Peleshi. Me anë të një statusi në rrjetet sociale ministri thotë se situata në ishullin e Sazanit është nën kontroll dhe po vijon puna për të shmangur totalisht mundësinë e rindezjes së flakëve për shkak edhe të bimësisë.

Për sa i përket zjarrit në Mirditë, Peleshi deklaron se u bë e mundur shmangia e përhapjes së flakëve pranë banesave.

“Neutralizohen vatrat e zjarrit në ishullin e Sazanit, pas një pune të pandërprerë nga toka dhe ajri. 122 efektivë të Forcave të Armatosura, 9 mjete, 2 anije u angazhuan në operacionin e nisur tri ditë më parë për të shuar flakët. Mëngjesin e sotëm nisi edhe ndërhyrja nga ajri. Forcave në terren iu bashkua edhe avioni 'Canadair CL 415', i ardhur si mbështetje nga Greqia, në kuadër të Mekanizmit të Mbrojtjes Civile të Bashkimit Europian. Situata në ishullin e Sazanit është nën kontroll,  ndërsa puna vijon për të shmangur totalisht mundësinë e rindezjes së flakëve për shkak edhe të bimësisë.

Ndërkaq 54 efektivë të FA iu bashkuan forcave zjarrfikëse në aksionin për shuarjen e vatrës së zjarrit në njësinë administrative Orosh të Mirditës. Në operacionin që u finalizua në një kohë të shpejtë u bë e mundur shmangia e përhapjes së flakëve pranë banesave.

Ministria e Mbrojtjes shpreh mirënjohjen për punën e të gjitha ekipeve të angazhuara dhe u bën thirrje qytetarëve, turistëve që këtë sezon pritet të jenë të shumtë të bëjnë kujdes, pasi kjo  verë parashikohet të jetë e nxehtë dhe rreziku nga zjarret mbetet evident.

Falënderime të përzemërta Mekanizmit të Mbrojtjes Civile të Bashkimit Europian për mbështetjen, shtetit fqinj Greqisë për përgjigjen në kohë rekord me avionin Canadair”, shkruan Peleshi./ B.A. – CNA.al





Lajmet e fundit nga