Bushati: Bajram Begaj doli nga xhepi i një njeriu të vetëm

6 Qershor 2022, 22:16, Aktualitet CNA
Bushati: Bajram Begaj doli nga xhepi i një njeriu të vetëm
Analisti Andi Bushati

Analisti Andi Bushati thotë se Bajram Begaj që në aktin e parë tregoi se nuk është një figurë e nivelit të lartë që di të distancohet për të mos u bërë palë e një projekti politik.

Për mua vetëm mënyra se si pranoi të zgjidhet është shumë e rëndë dhe tregon shumë për presidentin e ardhshëm”, tha Bushati.

Për analistin, Begaj u shfaq i përulur para kryeministrit Rama me gjuhën e trupit. I gjithë procesi, tha Bushati, tregon se Begaj e nis me një paragjykim të madh karrierën si President.

Ka thënë po me ndërgjegje duke e ditur se do të jetë një president jokonsensual, por vetëm i njërës palë. Aq më keq akoma, është një president që ka dalë nga xhepi, shtrati apo mënga e një njeriu të vetëm, që është Edi Rama”, deklaroi analisti.

Nisur nga kjo tha Bushati, mazhoranca dhe ata që mbrojnë zgjedhjen e tij në krye të shtetit po shpikin histori se mbështetet nga SHBA-ja pasi nuk bind që është figurë konsensuale./CNA.al

 

Lajmet e fundit nga