E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Ministria e Mbrojtjes ‘e shpalli’ ‘piroman’/ Kush është zjarrfikësi hero që u nderua nga Rama dhe Leli

6 Qershor 2022, 19:50, Aktualitet CNA

Ministria e Mbrojtjes ‘e shpalli’ ‘piroman’/ Kush

Luan Kapaj

Luan Kapaj është personi që u cilësua si një “piroman” nga ministria e Mbrojtjes, pas publikimit të videos, ku ai shihej duke ndezur një zjarr në Sazan.

CNA.al raportoi se ai në fakt nuk ishte autor i zjarrvënies që ka “pushtuar” ishullin e Sazanit, por shefi i zjarrfikëseve të Vlorës.

Është i njëjti zjarrfikës hero që u nderua nga kryeministri Edi Rama në dhjetor të vitit 2019 me medaljen e artë, pasi mori pjesë në operacionet e kërkim-shpëtimit nga tërmeti i 26 nëntorit në Durrës dhe shpëtoi dy persona.

"Ndodh që kur dikush bën mirë një punë, njerëzit thonë 'detyrën po bën', por dallimin e bën pikërisht përkushtimi dhe cilësia në kryerjen e detyrës. Me shumë respekt dëshiroj të dorëzoj këtë medalje dhe të them se jam i privilegjuar dhe i prekur që jam pranë teje, sepse në kushtet e jetës së përditshme njerëzit si ti janë thjeshtë në jetën e tyre dhe ne rrallë i shohim. Të jam shumë mirënjohës dhe të falënderoj për gjithçka", tha Rama asokohe.

Luan Kapaj dhe Edi Rama

Nga ana tjetër, zjarrfikësi premtoi se do të vijonte që t’i shërbente atdheut deri ditën e fundit të jetës.

"Më shumë sesa krenarë më bën krenarë për dy qytetarët e mi që marrin ajrin e kësaj toke dhe shikojnë dritën e diellit. Do i shërbej popullit tim deri në ditën e fundit të jetës sime", tha ai. Dy qytetarët që Kapaj u shpëtoi jetën ishin të pranishëm duke duartrokitur vlerësimin për zjarrfikësin, ndërsa njëri prej tyre u shpreh se "Luani më shpëtoi jetën. Kishte zemër të madhe, sikur ka emrin ishte edhe vetë". Kryeministri Edi Rama e mbylli ceremoninë me një batutë "vlonjatë jemi, por ti je më vlonjat se unë, asaj pjese ia dedikoj edhe pjesën e fortë", deklaroi Kapaj.

Luan Kapaj dhe Dritan Leli

Gjithashtu, Kapaj u vlerësua edhe nga kryebashkiaku i Vlorës, Dritan Leli, me titullin ‘Mirënjohja e qytetit’.

“Nuk mund të lija pa vlerësuar heroizmin tuaj, prandaj sot i jap Luan Kapajt titullin mirënjohje e qytetit të Vlorës si drejtues i zjarrfikëseve të Vlorës që sfidoi jetën për nxjerrjen nga rrënojat të jetëve që kërkojnë shpëtim duke u kthyer në simbol heroizmi. Do të shërbejë si burim frymëzimi për qytetarët e Vlorës dhe Durrësit. Tërmeti i jashtëzakonshëm, Luani ishte i pari që nuk pyeti, na bëri krenarë", tha Leli në 2019-ën.

Ndërkohë, sot ministria e Mbrojtjes pa verifikuar personin në video, e shpalli atë “piroman” dhe e fajësoi për zjarrin në Sazan.

Ai ndodhej atje për të vënë një zjarr të kontrolluar, në mënyrë që të ndalonte përhapjen e flakëve në pjesën tjetër të pyllit, duke i bërë pritë./ B.A. – CNA.al