web counter
LEXO PA REKLAMA!

SHKARKO APP

App Store
Google Play

E fundit!

x

Merr zgjidhje ngërçi i dosjeve në Gjykatën e Lartë/ Dalin statistikat e 5 mujorit të parë të 2022-shit

6 Qershor 2022, 15:56, Aktualitet CNA
Merr zgjidhje ngërçi i dosjeve në Gjykatën e Lartë/
Dosjet në pritje në Gjykatën e Lartë

Gjykata e Lartë e ka nisur vitin 2022 me 35 822 dosje stok. Por duket se ngërçi i krijuar në në këtë institucion duket se po merr fund.

Të dhënat statistikore të paraqitura në tabelën më poshtë të siguruar nga CNA.al, tregojnë se Gjykata e Lartë është duke bërë përpjekjet maksimale për uljen e numrit të dosjeve të mbetura stok.

Deri më datë 31 maj 2022, janë 34,806 çështje gjyqësore në pritje për gjykim. Shifrat e 5 mujorit të parë të vitit 2022 tregojnë një të dhënë premtuese sa i takon reduktimit të çështjeve të mbarura.

Duke krahasuar të njëjtën periudhë të një viti më parë, në 2021 norma e evadimit të çështjeve ishte 127%, ndërsa për vitin 2022, gjatë 5 mujorit të parë është mbi 200%.

Në këtë hark kohor, në Kolegjin Administrativ janë 687 ventime të përfunduara dhe 35 vendime të ndërmjetme; në Kolegjin Civil janë 514 vendime të përfunduara dhe 30 të ndërmjetme ndërsa në Kolegjin Penal janë 659 vendime të përfunduara dhe 8 vendime të ndërmjetme. Pra në total në Gjykatën e Lartë kanë marrë zgjidhje 1933 dosje, ndërsa janë dhe 34.806 të tjera që presin zgjidhje.

Pavarësisht punës që është bërë pas shtimit të 6 gjyqtarëve vitin e kaluar, numri i dosjeve stok vijon të mbetet i lartë. Anëtarët në Gjykatën e Lartë po punojnë me ritëm të larta dhe rezultatet pritet të jenë premtuese dhe tregon qartë angazhimin maksimal të trupës për të shqyrtuar dhe ulur çështjet e mbartura. Në përkrahje të këtij angazhimi, Gjykata kërkon edhe mirëkuptimin e palëve në proces si formë besimi dhe mbështetje për aktivitetin e institucionit./E.K-CNA.al

Merr zgjidhje ngërçi i dosjeve në Gjykatën e Lartë/
Statistikat e 5 mujorit të parë të Gjykatës së Lartë




Lajmet e fundit nga