web counter
LEXO PA REKLAMA!

SHKARKO APP

App Store
Google Play

E fundit!

x

Situata në ishullin e Sazanit/ Rama ironizon Kryemadhin: Llafe, s’kanë sy të shohin

6 Qershor 2022, 14:10, Aktualitet CNA
Situata në ishullin e Sazanit/ Rama ironizon Kryemadhin: Llafe,
Kryeministri, Edi Rama

Kryeministri Edi Rama ka reaguar në lidhje me situatën e zjarreve në ishullin e Sazanit.

Përmes një postimi në rrjetet sociale, Rama shkruan se do të gjenden përkrah ekspertëve dhe bashkive për të përballuar rastet e emergjencave.

Ndërsa nuk ka ngurruar të ironizojë edhe deklaratat e kryetares së LSI-së, Monika Kryemadhi, e cila tha se paratë e helikopterëve kanë shkuar në xhepat e oligarkëve.

“Sazan - Rikonjicion nga ajri i vatrave të zjarrit

Ministri i Mbrojtjes, Niko Peleshi:

"Sakrifica dhe profesionalizmi i Forcave të Armatosura dhe të gjithë sistemit të Mbrojtjes Civile meritojnë mirënjohje.

I vlerësoj të gjitha shqetësimet dhe mendimet e shprehura pa teklif, por ne mbështetemi tek ekspertët e fushës që vlerësojnë se teknika më efikase në rastin e zjarrit në ishullin e Sazanit është izolimi i vatrave nga toka, duke krijuar breza të shpyllëzuar rreth çdo vatre...

Fatkeqësisht edhe kjo verë do të jetë shumë e nxehtë. Ne do të jemi përkrah bashkive për të mbështetur përballimin e emergjencave të mundshme. Por kemi nevojë edhe për vullnetarizëm dhe angazhim nga të gjithë për të përballuar së bashku situatat e emergjencave, në vend që t’i ndezim akoma më shumë nga tastiera.

Sa për ata që nuk kanë sy të shohin çfarë ndodh njëkohësisht, sot që flasim, rrotull Athinës apo çfarë ndodh kudo tjetër në kushtet e zjarreve, nga Turqia e deri në Spanjë, po hidhen përpjetë duke kërkuar helikoptera me kova uji biblik e me shkopinj magjikë, nuk kemi asgjë për të thënë! Janë të njëjtët shqipo, që në tërë historinë e këtij vendi, kanë bërë fiks të njëjtën gjë, llafe, llafe, llafe..”, shkruhet në postim./ CNA.al





Lajmet e fundit nga