web counter
LEXO PA REKLAMA!

SHKARKO APP

App Store
Google Play

E fundit!

x

Video - Faktet/ Zbulohen lidhjet e Evi Kokalarit me Erion Veliajn

5 Qershor 2022, 19:52, Aktualitet CNA
Video - Faktet/ Zbulohen lidhjet e Evi Kokalarit me Erion Veliajn
Evi Kokalari

Aktivistja Evi Kokalari, ndoshta e mbetur pa punë në SHBA, duket se “ëndërr” kishte kapjen e një posti drejtues në Partinë Demokratike, dhe pasi dështoi me sukses, tashmë është hedhur në sulm.

Por, kë sulmon Evi Kokalari dhe për çfarë interesash?

Ajo që vihet re ditët e fundit, është sulmi i paprecedentë që Evi Kokalari bën ndaj Belind Këlliçit dhe të rinjve të FRPD-së, dhe për çfarë. Pse në Këshillin Kombëtar janë zgjedhur më shumë të rinj. Dhe për këtë sipas Kokalarit, “fajtor” na qenka Belind Këlliçi.

Nga ana tjetër, CNA.al ka paralajmëruar se Evi Kokalari po i shërben përçarjes së Partisë Demokratike, për interesa të kryebashkiakut të Tiranës, Erion Veliaj.

Video - Faktet/ Zbulohen lidhjet e Evi Kokalarit me Erion Veliajn
Erion Veliaj dhe Evi Kokalari

Erdhi në Tiranë, ndoshta edhe për të bërë biznes me Partinë Demokratike, por tashmë detajet tregojnë qartë se kujt po i shërben Evi Kokalari.

Në një postim në rrjetet sociale, në datën 8 prill 2020, Evi Kokalari publikisht “ledhatonte” kryebashkiakun e Tiranës, Erion Veliaj. 

“Këtu janë disa foto nga dërgesat e sotme.

Ne duam të falenderojmë komunitetin për dhurimet dhe që arritën ta bëjnë këtë të mundur.

Një falenderim i madh shkon për kryetarin e Bashkisë së Tiranës, Erion Veliaj, i cili na dha ne burimet e nevojshme për të bërë dërgesat në 48 familje.

Kjo nuk ishte një detyrë e vogël dhe shumë punonjës të qytetit punuan deri vonë për të përfunduar këto dërgesa.

Ka më shumë gjëra të mira për të ardhur. Persona të tjerë nga komuniteti ynë do të bashkojnë forcat me ne, duke u siguruar që ne të vazhdojmë të arrijmë më shumë njerëz në nevojë. Ne do t’iu njoftojmë së shpejti!!

Ndërkohë, ju lutemi vazhdoni të dhuroni dhe shpërndani në mënyrë që të tjerët të bëjnë të njëjtën gjë.

Nëse ndonjëri prej jush dëshiron të kujdeset për një familje të caktuar në nevojë dhe të mbulojë nevojat e tyre për muajin e ardhshëm, ju lutemi na njoftoni dhe ne do t'ju bashkojmë me një familje në nevojë.

Qofshi mirë dhe Zoti ju bekoftë të gjithëve!!”-shkruante Kokalari.

Video - Faktet/ Zbulohen lidhjet e Evi Kokalarit me Erion Veliajn

Ndërkohë, më poshtë CNA.al sjell me zë dhe figurë, Evin që i “lëshon goja lëng” kur flet me dhe për Erion Veliajn.

“Në fakt ishte vetëm një person në Shqipëri që mund të ma realizonte dhe unë vendosa që ta ndërmarr hapin dhe t’i kërkoj atij personi që të ma mundësojë. Dhe ky person është kryetari i Bashkisë së Tiranës, Erion Veliaj, që nuk e kam asnjëherë më përpara në jetën time, por shumë nga miqtë e mi e njohin dhe kam pasur vetëm ca lidhje kohët e fundit, sepse ai na ka ndihmuar për të shpërndarë pakot e ushqimeve në Tiranë. Erioni në fakt m'u përgjigj menjëherë, brenda dy minutash dhe më tha më pëlqen shumë si ide dhe do të vë në dispozicion çfarë të duhet që ta realizosh”, -thotë Kokalari në video, në emisionin “E diela Shqiptare”, më 19 Prill 2020.

Ndërkohë, e njëjta video është shpërndarë në rrjetet sociale, edhe nga kryebashkiaku i Tiranës, Erion Veliaj.


Ndërsa në një tjetër postim të datës20 prill 2020, Kokalari shkruante “Një kontribut modest që Fondacioni Kokalari dhuroi nëpërmjet emisionit “Opinion” të Blendi Fevziut, dje mori jetë në emisionin “E diela Shqiptare” të Ardit Gjebreas.

Në bashkëpunim me Kryetarin e Bashkisë së Tiranës, Erion Veliaj, arritëm t’ju shprehim vlerësimin dhe respektin e thellë që ndjejmë ndaj mjekëve, infermierëve dhe stafit administrues të Spitalit Infektiv. Gjithashtu me shumë mjeshtëri, Ardit Gjebrea nxori në pah sakrificën e heronjve të sotëm, që nuk i kanë parë familjet e tyre për më tepër se një muaj.

#RespektPerMjeket Shqiptarë, sot dhe përjetë !!

Në përkujtim të babait tim, Petrit Kokalari.”

Për ata që se kuptojnë çfarë e lidh Kokalarin, gjithçka është shumë e thjeshtë.

Video - Faktet/ Zbulohen lidhjet e Evi Kokalarit me Erion Veliajn

Së fundi Evi Kokalari sulmoi dhe anatemoi Belind Këlliçin, i cili mund të ishte një kandidaturë dinjitoze në garën për Bashkinë e Tiranës në zgjedhjet e ardhshme lokale dhe mund ta “shembte” Erion Velliajn.

Por, Kokalari zgjodhi ta sulmonte dhe akuzonte si “Basha dy” thjeshtë dhe vetëm për t’i kthyer borxhet Veliajt, e pse jo edhe Edi Ramës.

Lidhjet e Kokalarit përtej Veliajt shkojnë tek Edi Rama nëpërmjet biznesmenëve të fortë afër Qeverisë, të cilët sponsorizojnë edhe Flamur Nokën dhe segmente të tjera brenda PD-së dhe Qeverisë./CNA.al

 

 

 





Lajmet e fundit nga