web counter
LEXO PA REKLAMA!

SHKARKO APP

App Store
Google Play

E fundit!

x

Video- Dalin pamjet/ Si u grabit banka në Koplik

5 Qershor 2022, 17:11, Aktualitet CNA
Video- Dalin pamjet/ Si u grabit banka në Koplik
Momenti kur autorët hyjnë në bankë

Del videoja nga grabitja që ndodhi rreth një muaj më parë në një bankë të nivelit të dytë në Koplik.

Policia e Shkodrës, në një njoftim për media ditën e sotme, bëri me dije se për këtë ngjarje, janë arrestuar tre persona, Bekim Gurraj, 22 vjeç, Armir Shabaj, 25 vjeç dhe Admir Shabaj, 19 vjeç, banues në Aliaj, Malësi e Madhe.

CNA.al ka arritur të sigurojë videon, nga momenti kur ka ndodhur ngjarja. Ashtu siç shihet nga pamjet, tre të rinjtë kanë hyrë të armatosur dhe me maska në ambientet e bankës. Jashtë derës, fillimisht ata janë përballur për pak sekonda me rezistencën e rojes, por më pas kanë arritur të hyjnë në ambientet e brendshme.

Njëri nga të rinjtë, mbante nën kontroll personat që ishin në bankë nën kërcënimin e armës. Të shtrirë në dysheme, roja dhe klientët nuk kishin asnjë mundësi për të vepruar.

Ndërsa dy të tjerët kanë bërë të mundur marrjen e të hollave nga arka. Pasi kanë marrë lekët, ata janë larguar nga vendngjarja me një automjet tip “Golf”, të cilin më pas, sipas njoftimit zyrtar të policisë, e dogjën në vendin e quajtur “Rrethrrotullimi i Bajzës”, Koplik.

Pas djegies së mjetit, nën kërcënimin e armëve, autorët kanë ndaluar në rrugë automjetin me drejtues shtetasin T. L., të cilit ia kanë marrë me forcë automjetin dhe më pas janë larguar me shpejtësi në drejtim të fshatit Shegan, Njësia Administrative Kastrat, ku dhe e kanë braktisur këtë mjet.

Po nga hetimet rezultoi se këta shtetas, armët e zjarrit, pas ngjarjes, i kanë hedhur në ujë, në vendin e quajtur “Syri i Sheganit”, degëzim i liqenit të Shkodrës. Polumbarët e RENEA-s deri tani kanë bërë të mundur nxjerrjen e njërës prej armëve, ndërkohë që po punohet edhe për gjetjen e armës tjetër./E.K-CNA.al

 





Lajmet e fundit nga