web counter
LEXO PA REKLAMA!

SHKARKO APP

App Store
Google Play

“Të çelen sa më shpejt negociatat për Shqipërinë”/ Mesazhi i ambasadorit të Italisë

5 Qershor 2022, 12:43, Aktualitet CNA
“Të çelen sa më shpejt negociatat për
Fabrizio Bucci, ambasadori i Italisë në Shqipëri

Ambasadori i Italisë në Shqipëri, Fabrizio Bucci, në një deklaratë për mediat është shprehur se Europa duhet të shohë drejt vendeve të Ballkanit, pasi sipas ambasadorit pa vendet e Ballkanit nuk ka një Europë të bashkuar.

Bucci theksoi se ka ardhur koha që BE-ja të çelë negociatat për anëtarësimin e Shqipërisë.

“Unë mendoj se po, siç e dini Këshilli i Europës ka dhënë dritën jeshile për çeljen e negociatave. Unë shpresoj se deri në fund të këtij viti të ketë një çelje të negociatave. Sepse kjo luftë që po vijon prej disa muajsh dhe ka sjellë mijëra viktima na ka dhënë një leksion shumë të mirë. Bota ka ndryshuar nga lufta, sot ka dy botë, një para 24 shkurtit dhe një tjetër pas 24 shkurtit. Është e rëndësishme që Europa ta kuptojë që kemi një realitet të ri, që ne nuk e donim, por po e jetojmë dhe Europa duhet të hapë sa më shpejt negociatat me Shqipërinë në mënyrë që të japë një qartësi për këtë zone, për Ballkanin”, tha Bucci.

Ambasadori nënvizoi se kur të çelen negociatat duhet të përshpejtohen disa reforma si ajo në drejtësi dhe kundër krimit të organizuar.

“Kur të nisin negociatat, duhet të përshpejtojnë disa reforma, kur hapen negociatat hapet rruga për dialog, për politikën, për Komisionin Europian dhe Shqipërinë. Janë reformat në drejtësi, reforma kundër krimit të organizuar dhe një sërë reformash që janë të hapura dhe Italia ka qenë dhe do të jetë në krah të Shqipërisë në çdo rast”, tha ambasadori./ CNA.al





Lajmet e fundit nga