web counter
LEXO PA REKLAMA!

SHKARKO APP

App Store
Google Play

E fundit!

x

Foto- Kopshi Zoologjik hap dyert për vizitorët/Ja si duket ambienti i brendshëm pas rikonstruksionit

4 Qershor 2022, 10:40, Aktualitet CNA
Foto- Kopshi Zoologjik hap dyert për vizitorët/Ja si duket ambienti i
Hyrja e Kopshtit Zoologjik

Sot janë hapur dyert e Kopshtit Zoologjik në Tiranë për të gjithë vizitorët.

Kryeministri Edi Rama dhe kryebashkiaku Erion Veliaj kanë marrë pjesë në inagurimin e kopshtit zoologjik.

Kafshë të ndryshme janë vendosur në hapësirën e rikonstruktuar, ku pritet që të ketë një numër të lartë vizitorësh. Aktualisht, në kopësht janë vendosur shqiponja, luan, poni, rosa dhe sorkadhe. 

Qarkullimi gjatë ditës së sotme në segmentin e rrugës “Liqeni i thatë” do të kthehet me një drejtim lëvizjeje, sipas sensit nga rruga “Hamdi Sina” në drejtim të “Kopshtit Zoologjik”.

Përjashtim bëjnë veç mjetet e transportit urban, i cili do vazhdojë lëvizjen sipas itinerarit që ka realizuar deri më tani, dhe rezervojnë të drejtën për kalimin në dy senset e aksit rrugor.

Ndërsa, aksesi hyrës i kalimit të automjeteve për qytetarët, për pjesën e rrugës që kthehet me një drejtim lëvizjeje, do të bëhet nëpërmjet kalimit në Unazën e Madhe të Qytetit, si dhe duke e aksesuar zonën te nyja e re, pranë Liqenit të Thatë.

Në orët e para të mëngjesit, kryeministri Edi Rama shkruante në "Facebook" se Tirana Zoo Park është një dhuratë e shumëpritur për të gjithë fëmijët.

“Me dhuratën e shumëpritur për të gjithë fëmijët, Tirana Zoo Park, që hap dyert sot, i rilindur si një nga hapësirat më moderne në rajon, për të njohur nga afër botën e kafshëve, por edhe plot ambiente çlodhëse për të vegjël e të rritur, ju uroj një fundjavë të bukur”, shkruan Rama në "Facebook"./E.K-CNA.al





Lajmet e fundit nga