web counter
LEXO PA REKLAMA!

SHKARKO APP

App Store
Google Play

Policia ‘tregon muskujt’/ Kap qytetarin që ndërtonte pa leje në majë të malit

3 Qershor 2022, 16:53, Aktualitet CNA
Policia ‘tregon muskujt’/ Kap qytetarin që ndërtonte pa
Foto ilustruese

Policia e Kolonjës ka proceduar penalisht 33-vjeçarin me iniciale S.M., pasi e kanë gjetur duke kryer punime ndërtimi pa leje në fshatin Skorovot.

Blutë kanë referuar në gjykatë materialet ndaj të riut nga Durrësi, për veprën “Ndërtimi i paligjshëm” dhe e kanë shitur si një sukses.

"Specialistët për Hetimin e Krimeve në Komisariatin e Policisë Kolonjë referuan materialet në Prokurori dhe filluan procedimin penal në gjendje të lirë për veprën “Ndërtimi i paligjshëm”, për shtetasin S. M., 33 vjeç, banues në Durrës, pasi në fshatin Skorovot, Kolonjë, ky shtetas u konstatua duke kryer punime ndërtimi pa leje”, thuhet në njoftimin e bluve.

Por krahas propagadës së policisë, e vërteta është se askujt nuk i prish punë se dikush po ndërton pa leje në majë të malit.

Ajo që shqetëson në të vërtetë qytetarët dhe që policia nuk po i jep llogari janë krimet e rënda, trafikimin e drogës, evazionet fiskale që tashmë po bëhet edhe nga mediat apo aferat korruptive.

Së pari, policia dhe autoritetet e drejtësisë duhet të merren me abuzimet me përmasa të mëdha e më pas të kthejnë sytë nga njerëzit që po shikojnë hallet e tyre e nuk po i bëjnë dëm shoqërisë./ B.A. – CNA.al

 





Lajmet e fundit nga