web counter
LEXO PA REKLAMA!

SHKARKO APP

App Store
Google Play

E fundit!

x

“Presidenti Meta ka porositur një vrasje”/ SPAK-u reagon për Artan Hoxhën

3 Qershor 2022, 11:54, Aktualitet CNA
“Presidenti Meta ka porositur një vrasje”/ SPAK-u reagon
Artan Hoxha

SPAK-u ka reaguar sot pas deklaratave të gazetarit Artan Hoxha, se Presidenti Ilir Meta ka porositur një vrasje.

Sipas Hoxhës, kjo e dhënë kishte dalë nga bashkëpunëtori i drejtësisë Nuredin Dumani.

Por, SPAK-u, zyrtarisht në mënyrë kategorike mohon se Dumani ka dhënë një informacion të tillë.

“Në vijim të interesimit të shtuar të mediave, në lidhje me deklarimin e gazetarit Artan Hoxha për sa i përket të dhënave të pretenduara si të deklaruara nga shtetasi nën hetim N.D. për Presidentin  e Republikës së Shqipërisë, të transmetuar në televizionin Kombëtar “Klan”, në emisionin “Opinion” të datës 02.06.2022, sqarojmë opinionin publik se:

Në deklarimet e dhëna në kuadër të procedimit penal nr.75/2022 që po heton Prokuroria e Posaçme, shtetasi nën hetim N.D., nuk ka deklaruar asnjë të dhënë në lidhje me Presidentin e Republikës së Shqipërisë.

Duke marrë shkas nga ky rast, si dhe duke mbajtur në konsideratë edhe trajtimet që i janë bërë deklarimeve të shtetasit N.D. në emisione të ndryshme televizive, ftojmë mediat që të jenë të kujdesshme, të mbajnë në konsideratë ndjeshmërinë e kësaj çështje, të respektojnë viktimat dhe familjarët e tyre, si dhe faktin se çështja është në fazën e hetimit paraprak dhe Gjykata e Posaçme e Shkallës së Parë Për Korrupsionin dhe Krimin e Organizuar referuar nenit 103 të Kodit të Procedurës Penale ka vendosur ndalimin e publikimit të vendimit nr.42 datë 17.05.2022 (me objekt caktimin e masave të sigurimit)”, thuhet në njoftimin e SPAK-ut./CNA.al





Lajmet e fundit nga