Biznesmeni shqiptar Artur Shehu ka folur në emisionin Opin...
“Asnjë akuzë nuk u lëshua kundër tij në të gjallë”/ Këlliçi, fjalë prekëse për Nishanin
2 Qershor 2022, 14:44, AktualitetCNA
Belind Këlliçi, në homazhet për Nishanin
Ish-Presidenti Bujar Nishani është përcjellë sot për në banesën e fundit.
Në nder të Bujar Nishanit, u zhvilluan sot homazhe në ambientet e Presidencës, ku morën pjesë miq, familjarë, të afërm, kolegë dhe personalitete të larta.
Ndërkohë, pas homazheve, deputeti i PD, Belind Këlliçi nëpërmjet një postimi në rrjetet sociale, shpreh fjalë prekëse për ish-presidentin Nishani.
Ai thekson se Bujar Nishani u ul në karrigen më të lartë të shtetit shqiptar me krenari e atdhedashuri dhe u ngrit prej saj faqebardhë e me nder në përfundim të mandatit.
Sipas Këlliçit, politikës shqiptare i duhen të urtët e saj dhe President Nishani ishte një prej tyre.
“Ndajmë sot dhimbjen e bashkëshortes, fëmijëve dhe të afërmve të Presidentit të ndjerë Bujar Nishani.
Me respektin e miqve, bashkëpunëtorëve dhe personaliteteve shtetërorë vendas e të huaj, përcollëm sot në banesën e fundit shtetarin tonë dinjitoz, familjarin shembullor, politikanin e urtë e racional, garantin e Kushtetutës dhe të unitetit të popullit shqiptar, President Bujar Nishanin.
Asnjë akuzë nuk u lëshua kundër tij në të gjallë.
SH.T.Z. Bujar Nishani u ul në karrigen më të lartë të shtetit shqiptar me krenari e atdhedashuri dhe u ngrit prej saj faqebardhë e me nder në përfundim të mandatit.
Personalisht vlerësoj se politikës shqiptare i duhen të urtët e saj dhe President Nishani ishte një prej tyre.
Mirënjohje jeta-jetës për ndershmërinë e tij dhe fisnikërinë me të cilën përfaqësoi shtetin dhe flamurin
