E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Gazetarja zbardh detajin nga operacioni i SPAK/ “Policia lajmëroi personazhet e krimit të largohen nga Shqipëria”

2 Qershor 2022, 12:51, Aktualitet CNA

Gazetarja zbardh detajin nga operacioni i SPAK/ “Policia lajmëroi

Gazetarja Anduena Llabani

Gazetarja Anduena Llabani ka zbradhur detaje të tjera nga dëshmia e Ervis Bardhit, i cili tregoi se si u pagua nga vëllezërit Çapaj për një vrasje.

Llabani është shprehur se Bardhi shquhet si një kontingjent kriminal, njihet si një njeri që ka kryer akte çnjerëzore, që ka hapur dhe mbyllur gropa varresh.

“Gentian Beqiri ka qenë një person që ruhej nga Policia e Shtetit në banesën e tij. Sipas deklaratës së Ervis Bardhit, ka qenë i paguar nga 50 mijë euro nga vëllezërit Çapaj. Mund të themi që Gentian Beqiri ishte i akuzuar për vrasjen e njërit prej vëllezërve Çapaj, prandaj kjo ishte hakmarrje e hapur. Beqiri ndodhej në shtëpinë e tij. Masa e arrest shtëpie s’i ka penguar aspak. Ervis Bardhi, ajo për të cilën ka plasur debati në gjykatë, është kontestimi që i ka bërë mbrojtja dëshmisë së tij. Bardhi shquhet si kontingjent kriminal, njihet si një njeri që ka kryer akte çnjerëzore, që ka hapur dhe mbyllur gropa varresh. Një njeri që në këtë stad të jetës ka vendosur të rrëfehet”, ka treguar Llabani.

Ndër të tjera, gazetarja tha se për operacionin “Golden Bullet” ka informacione se disa nga personazhet e botës së krimit u lajmëruan nga policia që të largohen nga Shqipëria para arrestimit.

“Është e vetmja mënyrë për të pasur prova të mjaftueshme, për t’i shkuar deri në fund akuzës. Pasi dihet që Prokuroria shqiptare haset me shumë defiçite në mbledhjen e provave. Duke pasur të bëjmë me grupe të mirëpaguara, ku xhirohen miliarda lekë, në lidhje me ekzekutime, duket se përballë dënimeve kaq të mëdha si burgim të përjetshëm, apo 20 e ca vite burg, vet personazhet e krimeve joshen nga organi i akuzës, lidhur me të drejtat që mund të përfitojnë pas pendimeve. Operacioni i fundit ishte një tentativë që SPAK-u kreu me Nuredin Dumanin, i cili vendosi edhe kushte. Duket se ky shembull ka shërbyer si precedent i mirë për të zbuluar edhe vrasje të tjera. Akuza sot në proceset gjyqësore shkon vetëm me përgjime telefonike dhe survejime ambientale. Është e pamundur të ndodhë në një shtet tjetër Evropian, ku njerëz të përfshirë në krime, dalin të papërlyer. Prokuroria thotë më mirë një kriminel që e çojmë jashtë dhe i sigurojmë jetën dhe fusim brenda 20 të tjerë. Ende nuk kemi të dënuar një polic që akuzohet për dekonspirim, apo për mbrojtje të personave të përfshirë në krime të ndryshme. Mbi ‘Golden Bullet’ ka informacione se disa nga personazhet janë njoftuar nga Policia e Shtetit me telefon për t’u larguar nga Shqipëria. Kanë kaluar drejt Prishtinës dhe më pas në vendet evropiane. Lista me 14 emrat i është dhënë Interpol Tiranës, ndonëse me vonesë, 1 javë pas arrestimeve”, tha Llabani./ CNA.al