web counter
LEXO PA REKLAMA!

SHKARKO APP

App Store
Google Play

E fundit!

x

Rrofsh z. Rama, rrofsh që mendon për ne!

2 Qershor 2022, 20:04, Aktualitet CNA
Rrofsh z. Rama, rrofsh që mendon për ne!
Kryeministri Edi Rama

Ditët e fundit lajmi që do të hiqen qeset plastike ishte në krye të çdo portali dhe edicioni lajmesh, si gjithmonë nismat e “mëdha” të qeverisë duan edhe begenisje të mëdha.

Erdhi 1 qershori, çfarë ndodhi do të thoni ju, po ja një “vërrë në ujë do të thoshte populli”, qeset vazhdojnë të lulëzojnë nëpër marketet e dyqaneve si në ato të lagjeve dhe në ato marketet e mëdha, asgjë nuk ka ndryshuar, përpos faktit se tashmë nuk rrinë mbi banak, por poshtë banakut.

Na ke bërë nder të madh zoti Rama ta shpërblefshim kur të vijë dita e votës, na e rrite edhe një çikë faturën nga 10 lekë që e blenim qesen tani e marrim 15 lekë, na duhej edhe kjo se mos e kemi problem ne për lekë.

Do të thuash zotrote shko me trastë. Ashtu shkova me thënë të drejtën dhe atë të blerë 300 lekë të rinj, se nuk kemi kohë të ulemi e të qepim trasta vetë tani, dhe nuk ia themi nga kjo anë, se shumë nga ne s'kanë as gjyshe në shtëpi, edhe ato që i kanë, i kanë moderne nuk dinë të qepin, këto gjyshet e sotme.

Rrofsh z. Rama, rrofsh që mendon për ne!

Siç po thosha, shkova me trastë në market, mbeta në hyrje të derës, nuk dija ku të vendosja qepët, patatet, spinaqi më mbeti në dorë, nuk më rrihej mua mora edhe ca qershi, vija vërdallë as qese letre s’kishte, asgjë, ashtu siç i kisha po t'i fusja në trastën që bleva 300 lek të rinj, do të bëheshin turli të gjitha bashkë. 

Por mos të lëntë Zoti pa njeri, ndërhyri shitësja e cila ma kuptoi hallin, duke më pyetur nëse doja qese. Pa u menduar dy herë i thashë po. Ok, tha po janë rritur.

Hë, ç’të bëja, ç’ti thoja! Ashtu turli në fund të çantës nuk i fusja dot. U detyrova t'i blej edhe me rritjen e fundit, se ti zoti kryeministër mire e ke kur nxjerr ligje, por mendohu edhe një herë jepua edhe një zgjidhje alternative, se nga fshati ne nuk dimë shumë.

Ne mirë na e bën se ke gjetur, na i rrit çika-çika faturat, se nuk themi gjë, rrit çmimet e qeseve, karburanti është bërë “vip”, nuk shikohet me sy, ushqimet po shkojnë sipas qejfit, ti në rregull je kur nuk ta prishim terezinë ne./E.K-CNA.al

Rrofsh z. Rama, rrofsh që mendon për ne!





Lajmet e fundit nga