E fundit!

20:52 Politikë

Qëndrimet ndaj Tahir Sinanit dhe UÇK-së/ PD: Akt antishqiptar i orkestruar nga Rama

Partia Demokratike ka reaguar sot lidhur me qëndrimet e kr...

I droguari me armë nuk heq dorë nga shpifjet

3 Qershor 2022, 15:51, Aktualitet CNA

E.L, një kriminel me armë i cili duhej të ishte në burg, por qëndron rrugëve të Tiranës dhe i fshihet gjykatës, me një gjuhë kërcënuese të përsëritur, në gjykim për armë mbajtje i kapur me pistoletë e drogë, nuk heq dorë nga shpifjet.

Sot ai sërish ka regjistruar krimin e radhës duke sulmuar dhe shpifur për editorin e CNA.al, Elvi Fundo.

Me anë të një postimi në rrjete sociale, i ashtuquajturi gazetar që është kapur me armë dhe drogë ka shpifur, duke shkruar se deputetes së PD-së Jorida Tabaku i është vënë gjobë nga CNA.al.

Kjo shpifje dhe fyerje do të do shkojë sigurisht në Gjykatë, por për transparencë të opinionit publik i shkuam më tej kësaj çështje.

Për ta demaskuar të droguarin e armatosur, kontaktuam deputeten e PD-së, Jorida Tabaku, e cila duhet të mbajë qëndrim për këtë shpifje.

Të dalë dhe të thotë publikisht si qëndron e vërteta.

Nga ana tjetër në një prononcim për CNA.al, editori, Elvi Fundo ka thënë se do t’i drejtohet Gjykatës për shpifje dhe fyerje, siç kam bërë dhe më parë dhe çështja është në proces dhe ky personazh i keqpërdorur nga trafikantë droge të shpallur non-grata, apo nga kryebashkiaku i Tiranës, nuk është paraqitur. Tani do vijë me polici në gjyq se është në arrest shtëpie. Është shantazhi dhe kërcënimi i rradhës që të tërhiqemi nga gjyqi. Gjithashtu ai ka dhënë detaje në lidhje me investigimin e bërë për pronat e familjarëve të Jorida Tabakut.

“Unë nuk merrem me persona butaforikë, njerëz të cilët janë kapur me armë dhe të droguar, që i fshihen drejtësisë, personazhe të inkriminuar të botës së medias, shërbëtorë të trafikantit të drogës, Xhemail Pasmaçiu, vënë tashmë në shërbim të Erion Veliajt, i cili nuk ka lënë që për këtë kamikaz mediatik të vendoset në vend drejtësia.

Unë e kam kallëzuar penalisht në gjykatë. Edhe pse është në arrest shtëpie, nuk është paraqitur në gjyq. Kujton se unë do tërhiqem apo trembem nga padia apo procesi gjyqësor. Ta harrojë, do mbajë çdo përgjegjësi penale me tej dhe civile. Mendon se do shpëtojë duke thënë kam qenë i droguar në gjykatë. Ai duhet të jetë në burg dhe do i bëjmë së shpejti një kërkesë gjykatës.

Ashtu si kallëzimi i parë pas këtij sulmi të sotëm do të ketë një kallëzim tjetër. Le ta shpëtojë Erion Veliaj dhe Pasmaçiu nga drejtësia për shpifjet dhe fyerjet e përditshme. Kthim pas nuk ka, duhet të pastrojmë gazetarinë nga llumi”, është shprehur Fundo.

Sa i përket rastit të zonjës Tabaku, Fundo, ka sqaruar se janë publikuar disa të dhëna, por se procesi nuk ka përfunduar këtu.

Që gazetaria të mos mbetet në kuadrin e thashethemeve dhe hanxharëve të përdorur nga trafikantë droge ne vendosëm të dërgojmë shkresat zyrtare dhe ne po sjellim më poshtë një të tillë.

“Në rastin e zonjës Tabaku mund t’ju sqaroj se: CNA.al pas investigimit të kryer jo nga ana ime, ka publikuar disa të dhëna por dhe pyetje publike. Gjithçka shtë bërë edhe me konsulencën e një avokateje me kredenciale mjaft të mira në Itali, e cila na rekomandoi që publikimin ta shtynim deri ne rikonfirmim por dhe përgjigje nga disa institucione financiare dhe urbanistike.

I kemi dërguar emaile zyrtare shtesë disa agjencive shtetërore italiane, të cilat refuzuan të na kthenin përgjigje pasi nuk ishim të verifikuar zyrtarisht, i kemi çuar disa javë më parë dokumenta zyrtare dhe jemi duke pritur përgjigjet e plota në lidhje me investigimin tonë, i cili do të ishte i paplotë dhe i pavërtetë pa këto konfirmime zyrtare. Gjithçka do të publikohet sapo të vijnë këto përgjigje”, është shprehur më tej Fundo.

I droguari me armë nuk heq dorë nga shpifjet

Fundo më tej sjellë fakte se CNA.al nuk ka praktikë, fyerjen, as kërvënimin dhe as gjobat.

“Na është thënë se i kemi vënë gjobë Ylli Ndroqit, por ai u shpall zyrtarisht nga Ambasada Amerikane gjobaxhi.

Këtë sharlatan mediatik që turpësisht pretendon se është gazetar e ka përdorur Ylli Ndoqi për të mbrojtur imazhin e tij tashmë të konfimuar zyrtarisht nga Ambasada e SHBA-së, se kush është ai në të vërtetë dhe së fundmi e ka blerë Erion Veliaj dhe e përdor si panxhar mediatik, por drejtësia vonon po nuk harron.

Është mirë të shkojë, të paraqitet në gjykatë për të gjitha shpifjet dhe fyerjet e tij dhe për të cilat unë e kam kallëzuar, kthim pas ska, për gjithçka që ka prova dhe fakte ti çojë në Prokurori, ashtu sikur dhe unë kam çuar gazetarë, politikanë, të cilët janë nën hetim”, është shprehur Fundo./CNA.al