web counter
LEXO PA REKLAMA!

SHKARKO APP

App Store
Google Play

‘Ka uzurpuar të gjitha pushtetet’/ Si po përpiqet Rama ‘të kurojë’ imazhin e tij me emrin e Bajram Begajt

3 Qershor 2022, 19:52, Aktualitet CNA
‘Ka uzurpuar të gjitha pushtetet’/ Si po përpiqet Rama
Edi Rama

Avokati Genc Gjokutaj ka komentuar kandidaturën e Bajram Begajt të propozuar nga Rama për Presidentin e ri të vendit.

Sipas avokatit Gjokutaj kreu i qeverisë po përpiqet të kurojë imazhin e tij, për të treguar se nuk është uzurpues i të gjithë pushteteve.

“Mendon se ka habitur dynjanë me këtë kandidaturë. Me kandidaturën e paraqitur, Rama do të  kurojë imazhin e tij të dëmtuar rëndë kohët e fundit. Po bën maksimumin për të treguar se unë nuk jam ai që uzurpoj pushtetet.”-tha Gjokutaj.

Sa i përket komenteve të Ramës për ish-presidentin Moisiu,Gjokutaj u shpreh se kreu i qeverisë socialiste nuk e ka njohur Alfred Moisiun dhe cilësitë e tij.

Më tej avokati Gjokutaj theksoi se Rama nuk njeh as Bajram Begajn të cilin e ka propozuar.

“Nuk e ka njohur, as cilësitë e tij. Shpresoj të njohë cilësitë e kandidaturës së Begajt por mendoj se dhe këtë nuk e njeh. Rama aktrimin e ka të bukur. Nuk ka bërë kujdesin që t’i japë Shqipërisë një President të gjithëpranuar.”-deklaroi Gjokutaj./E.T-CNA.al

 





Lajmet e fundit nga