web counter
LEXO PA REKLAMA!

SHKARKO APP

App Store
Google Play

E fundit!

x

Virozat e stinës dhe pickimet nga insektet/ Fluks në Pediatrinë e Beratit, mjekët apel prindërve

4 Qershor 2022, 14:09, Aktualitet CNA
Virozat e stinës dhe pickimet nga insektet/ Fluks në Pediatrinë e
Foto ilustruese

Situata në Pediatrinë e Beratit është e vështirë.

Një numër i madh fëmijësh i janë drejtuar spitalit pas përhapjes në masë të virozave të stinës dhe picikimeve nga insektet.

Mjekët ngrenë shqetësimin për shtimin e rasteve dhe u bëjnë thirrje prindërve të tregojnë kujdes dhe të mos i lënë fëmijët vetëm.

Mësohet se të paktën 150  fëmijë u nënshtrohen vizitave në ditë.

Sipas bluzave të bardha shkak është bërë rritja e temperaturave dhe mbyllja e qendrave shëndetësore në fundjavë.

Shefi i Repartit të Pediatrisë në Spitalin Rajonal Berat, mjeku pediatër Vladimir Kumaraku, ka deklaruar se fëmijët e të gjitha moshave shkojnë me temperaturë deri në 41 gradë, e shoqëruar me të vjella, çrregullime gastro-intensinale dhe këputje e dhimbje trupore, ku më të prekurit janë fëmijët nga 0-4 vjeç.

Këta fëmijë, ka deklaruar ai, po trajtohen me infuzione, antipiretikë dhe qetësues për temperaturën.

Kumaraku ka konfirmuar se një tjetër shqetësim serioz që është vënë re gjatë kësaj jave janë rastet e fëmijëve që kanë ardhur në Repartin e Pediatrisë me shenja të intoksikimit nga akulloret apo konsumimi i produkteve të pakontrolluara, që shiten në kioskat afër shkollave dhe këta janë fëmijët e shkollave 9-vjeçare.

Kumaraku u ka bërë apel prindërve të tregojnë kujdes për fëmijët dhe mos t'i lënë vetëm, të rrezikuar nga insektet, kafshimi nga qentë e rrugës apo edhe gjarpërinjtë./E.K-CNA.al





Lajmet e fundit nga