E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Xhelozia provinciale e Evi Kokalarit

2 Qershor 2022, 21:03, Opinione Andi Muhametaj

Evi Kokalari

Kam disa ditë që lexoj se një personazh i çuditshëm me emrin Evi Kokalari po sulmon në mënyrë të "ashpër" Belind Këlliçin. Nuk doja t'i jepja rëndësi të veçantë këtij personazhi, por në të gjithë këtë mesele kam vënë re një fenomen shumë të përhapur në shoqërinë shqiptare që smund të lë pa komentuar, xhelozinë dhe smirën provinciale.

Për ta kuptuar më mirë fenomenin në rastin konkret duhet të analizojmë zanafillën e këtij diskutimi, pra nga erdhi ky personazh mistik dhe kush ishte ambicia e saj.

Për herë të parë emrin e Evi Kokalarit e kam dëgjuar kur Sali Berisha filloi turin e foltoreve. Ajo papritmas u shfaq në krah të Sali Berishës duke i bërë shumë demokrat konfuzë mbi prejardhjen e saj, kjo pasi askush nuk e kishte dëgjuar më parë. Pasi profili i saj u rrit midis demokratëve, rezultoi që Evi ishte një shqiptaro-amerikane me jetë te konsoliduar në New York, ku spikasnin lidhjet relativisht të forta me Partinë Republikane. Deri këtu çdo gjë ok.

Por cila ishte arsyeja që një shqiptar që jeton në USA, me një karrierë të konsoliduar, me lidhje relativisht të forta politike, të largohet nga jeta e saj në USA për të ardhur dhe dëgjuar hallet e demokratëve të Shqipërisë? Në gjykimin tim përgjigjja është shumë e thjeshtë, ambicia për të marrë drejtimin e Partisë Demokratike. Eventualisht ajo dështoi në këtë objektiv pasi nuk ka as karizmën dhe as përgatitjen e duhur politike për të drejtuar një parti.

Në pikëpamjen time, pasi Evi më në fund e kuptoi që nuk ka asnjë shpresë reale për të realizuar objektivin, ka vendosur që të sulmojë në mënyrë provinciale personin me kredencialet më të larta në kampin opozitar, Belindin. Pse pikërisht Belindin?! Sepse Belindi është personazhi më i përshtatshëm aktualisht për të drejtuar opozitën në të ardhmen, duke qenë njëkohësisht edhe arsyeja kryesore pse Evi nuk mund të realizojë objektivin e saj.

Personazhet si Evi nuk i duhen Shqipërisë, boll smirusha kemi në qarkullim./CNA.al