Pas 5 vitesh, vendi bëhet me “Zonjë të Parë”/ Kush është bashkëshortja e Bajram Begajt

5 Qershor 2022, 19:01, Aktualitet CNA
Pas 5 vitesh, vendi bëhet me “Zonjë të Parë”/
Presidenti i ri Bajram Begaj me bashkëshorten

Plot 78 deputetë zgjodhën ditën e djeshme në seancë plenare presidentin e ri Bajram Begaj.

Emri i Begajt, i cili solli përplasje të shumta, u propozua nga socialistët dhe mori dritën jeshile në raundin e katërt.

Presidenti i ri do të marrë zyrtarisht detyrën në 24 korrik, kur edhe i përfundon mandati Kreut aktual të Shtetit, Ilir Meta.

Por me mbërritjen e Begajt në Presidencë, vendi do të ketë edhe Zonjën e Parë, diçka e munguar gjatë mandatit të Ilir Metës, pasi bashkëshortja e tij, Monika Kryemadhi, është kryetarja e Lëvizjes Socialiste për Integrim.

Po kush do të jetë Zonja e Parë e Shqipërisë?

Ajo quhet Armanda Begaj, bashkëshortja e presidentit të zgjedhur.

E lindur në vitin 1968, ajo ka ushtruar disa funksione në administratën shtetërore si punonjëse, ndërsa së fundmi ka qenë “IT” në Kontrollin e Lartë të Shtetit.

Çifti Bajram dhe Armanda Begaj ka edhe dy djem.

Ndërsa sipas formularit të dekriminalizimit familja Begaj nuk ka jetuar asnjëherë jashtë shtetit./E.K-CNA.al

Lajmet e fundit nga