LEXO PA REKLAMA!

SHKARKO APP

VIDEO-Sulmohet me gurë tigri në Kopshtin Zoologjik/ Revoltohet gazetari: Një kafaz për këto specie

6 Qershor 2022, 12:27, Aktualitet CNA
VIDEO-Sulmohet me gurë tigri në Kopshtin Zoologjik/ Revoltohet
Pamje e shkëputur nga videoja

Gazetari Andrea Danglli ka publikuar një rast të paprecedentë, ku një person shihet duke qëlluar me gurë tigrin brenda Kopshtit Zoologjik.

Tejet i revoltuar me këtë veprim, Danglli shkruan në një postim në rrjetet sociale se ky person është një kërcënim jo vetëm për tigrin, por për të gjithë ne dhe fëmijët e tij.

“Në Kopshtin Zoologjik duhet të ketë një kafaz të veçantë edhe për këtë lloj specieje të rrallë që sulmon tigrin me gurë”, shkruan gazetari.

“Në Kopshtin Zoologjik duhet të ketë një kafaz të veçantë edhe për këtë lloj specieje të rrallë që sulmon tigrin me gurë.

Të tillë gjitarë dykëmbësh duhet të kenë habitat të veçantë, pasi s’mund të bëjnë pjesë në shoqërinë njerëzore, madje as pjesë e botës së kafshëve. 

Ai është kërcënim jo vetëm për tigrin a për luanin, po për vetë fëmijët e tij që rriten nga kjo qenie primitive, e njëjtë me ata që gjuanin tigrin në epokën e gurit për ta ngrënë.

Gurët e kësaj shtaze në fakt s'bien veç mbi kafshët e kopshtit, por te të gjithë ne, bashkëjetuesit e tij që kemi fituar imunitet ndaj së keqes duke u pajtuar në heshtje me këto lloj sjelljesh të cilat meritojnë vetëm: NDËSHKIM! 

Sa shumë që tregon kjo video për gjendjen e shoqërisë ku jemi sot, nëse mund të quhet ende shoqëri!”, shkruan Danglli./ CNA.al

 

Lajmet e fundit nga