web counter
LEXO PA REKLAMA!

SHKARKO APP

App Store
Google Play

E fundit!

x

Limos Dizdari del nga intubimi/ Vajza, postim prekës: Shpirti i pamposhtur i tim eti dhe mjekët bënë mrekulli

6 Qershor 2022, 10:45, Aktualitet CNA

Limos Dizdari del nga intubimi/ Vajza, postim prekës: Shpirti i pamposhtur

Pas më shumë se një muaji, kompozitori i njohur Limos Dizdari ka arritur të dalë nga intubimi.

Pas një lufte të gjatë për jetën, tashmë fatmirësisht kompozitori është në gjendje të mirë shëndetësore.

Lajmin e ka bërë të ditur vajza e tij, Alda Dizdari, e cila në një postim në rrjetet sociale shkruan se kompozitori ishte në gjendje të rëndë dhe më 13 maj familjarët nënshkruan që të hynte në operacion i intubuar, ndërkohë që ishin përgatitur për funeral.

Dizdari falënderon mjekët dhe gjithë stafin e Spitalit "Shefqet Ndroqi" (Sanatoriumi) të cilët, sikurse thekson ajo si heronj të vërtetë luftuan dhe sollën në jetë Limos Dizdarin.

“Nuk kam fjalë të falënderoj mjekët dhe gjithë stafin në Reaminacionin e spitalit 'Shefqet Ndroqi' (Sanatoriumi) të cilët si heronj të vërtetë luftuan dhe sollën në jetëe babin tonë Limos Dizdari.

Ai ishte i intubuar që nga data 2 Maj dhe shumë shpejt u pa se kishte jo vetëm mushkritë pa funksion po edhe një zemër që kishte bërë infarkt akut të përgjithshëm. U vendos me shumë shpejtësi që zemrës ti viheshin katër unaza për të bërë të mundur fuksionimin e saj dhe në datë 13 Maj ne familjarët nënshkruam lejen që ai të futej në operacion i intubuar. Unë bleva biletën dhe u përgatita për një funeral. Por mjekët bënë mrekulli atë ditë, mjekët por edhe shpirti i pamposhtur i tim eti. Ata e përmbushën me sukses operacionin dhe ai jetoi. Një staf i tërë iu dedikua për javë të tëera. Me shumë dashuri, entusiazem, bënë cdo gjë, bile edhe e mbushën sallën e reaminacionit me muzikën e tij, që ti ngrinin humorin. Një ndër njerëzit më tëe spikatur, që sa here hynte në salle përçonte dritë, forcë dhe shpresë ishte doktoreshë Alma Cami, e papërkulur, asnjëherë e ndrydhur nga momentet delikate ku jeta e pacientit ndodhej. Ajo i dha forcë atij, stafit të saj dhe gjithë neve. Ishin shumë njerëz që takova ato ditë, nga doktoresha e zemrës Nevila Caushi, Doktor Agroni, doktoreshë Marjeta, kryeinfermieria Klementina, Infermieret Ana, Mira, Eneida, Sametin, fizioterapistet Sergio dhe Bruno dhe sanitaret Moza dhe Etleva. Të gjithë dhanë çdo gjë, punuan natë e ditë dhe pacienti i tyre reagoi, ai filloi të përmirësohet. Dhe unë, e përgatitur për një funeral, pashë me sytë e mi si babin e ngriten dhe shëruan këta heronj të heshtur, për të cilët nuk para duam të mendojmë, se na kujtojnë momente të veshtira. Por për mua ata do të mbetën përherë në mendjen dhe zemrën time!

Ju faleminderit pa fund të gjithëve! Një dite do të vij dhe do te luaj një koncert vetëm per ju dhe të shpreh mirënjohjen time me të vetmen mënyrë që di, me muzikë!”-shkruan Alda Dizdari./CNA.al





Lajmet e fundit nga