LEXO PA REKLAMA!

SHKARKO APP

Zjarri përfshin ishullin e Sazanit/ Kryemadhi: Paratë për helikopterët shkuan për inceneratorët

6 Qershor 2022, 11:59, Aktualitet CNA
Zjarri përfshin ishullin e Sazanit/ Kryemadhi: Paratë për
Kryetarja e LSI-së, Monika Kryemadhi

Kryetarja e LSI-së, Monika Kryemadhi, ka komentuar situatën në të cilën ndodhet ishulli i Sazanit, i cili prej ditësh është përfshirë nga flakët.

Kryemadhi në një prononcim për mediat është shprehur se paratë që kanë marrë nga xhepat e shqiptarëve për inceneratorët, duhet të ishin sot në shërbim të emergjencës.

Kryemadhi shton se 600 mijë euro që i janë paguar inceneratorit të Fierit, mund të ishin shpenzuar për avionët që sot të merreshin me shuarjen e flakëve.

“Evazioni fiskal nëse ishte 25 milionë euro, sot ka shkuar në 100 milionë euro. Këto para janë futur në xhepat e oligarkëve, në xhepat e Ramës, Agaçit, Veliajt.

Këto para mund të ishin përdorur për emergjencat, për ndërtimin e shtëpive të dëmtuara nga tërmeti.  

Kemi çuar në Prokurori dhe do të vazhdojmë të dërgojmë fatura që tregojnë evazion fiskal.

600 mijë euro që i janë paguar inceneratorit të Fierit, mund të ishin shpenzuar për avionët që sot të merren me shuarjen e flakëve. Këto janë para që dalin nga xhepat e qytetarëve.

Duke pasur parasysh situatën në të cilën ndodhet sot Shqipëria, do të çojmë materaialet shtesë që do të dorëzojmë në SPAK për evazion fiskal.

Po të kishin helikopterë do të mund të shuanin zjarrin nga ajri. Ata nuk kanë helikopterë dhe s’kanë buxhete financiare për të marrë helikopterë", tha Kryemadhi./ CNA.al

Lajmet e fundit nga