CNA.al sfidon Kokalarin/ Pyetjet që presin përgjigje

6 Qershor 2022, 20:19, Aktualitet CNA

CNA.al sfidon Kokalarin/ Pyetjet që presin përgjigje

Evi Kokalari

CNA.al publikoi pak më parë një mesazh që Evi Kokalari ia kishte nisur një komuniteti në Miçigan, të cilëve u kërkonte 5000 dollarë për të drekuar me Richard Grenell.

Në mesazh thuhet: “Cili mendoni së është zgjedhja më e mirë në komunitetin e Miçiganit për të drekuar me Grenell? Ne na duhet dikush që mund të ofrojë 5000 dollarë. Ne jemi duke rritur akoma fondet për presidentin. Dreka është të enjten”.

Por pas publikimit të këtij artikulli, i menjëhershëm ka qenë reagimi i Kokalarit, e cila ka tentuar të justifikohet.

Në një koment të lënë në faqen e CNA.al, ajo shkruan se lajmi nuk është i vërtetë, pasi sipas saj dreka ka ndodhur në muajin tetor të 2020-ës dhe jo në shtator 2021-shit.

CNA.al sfidon Kokalarin/ Pyetjet që presin përgjigje

Por si qëndron e vërteta?

Takimi që pretendon zonja Kokalari është tjetër dhe takimi që ne kemi raportuar është tjetër.

Pra, janë dy gjëra krejt të ndryshme. Ne mesazhin po ia themi zonjës, e kemi marrë nga Miçigani dhe të gjitha të dhënat janë të sakta, sepse nuk është mesazhi i vetëm.

Pyetja që i drejtojmë Kokalarit është: A ke çuar mesazhe në datën 29 shtator 2021, në orën 07:08 PM për drekë me Grenell dhe kujt ia ke çuar?

Ne këtë material të mëposhtëm do ta përkthejmë në anglisht dhe do ta konfirmojmë edhe te zoti Grenell.

Ju thoni se nuk është viti 2021, por është viti 2020, por mesazhi që ne kemi publikuar është i saktë, i qartë, dhe i konfirmuar.

E para, mos ndoshta keni bërë dy takime?

Më tej do të sjellim të tjera fakte dhe argumente të padiskutueshme për zonjën Kokalari, të cilën e sfidojmë që për gjithçka që publikojmë, që nga lidhjet me Erion Veliajn, mesazhet për të mbledhur fonde, lobimi që bën vetë në Shqipëri apo antilobimi siç e ka pranuar në mesazhet e saj publike, jemi të gatshëm me prova, me fakte të përballemi kur e ku të dojë.

Mos janë dy takime? Përpiqu të kujtohesh. Apo mos ndoshta nuk e mban mend apo nuk do ta kujtosh. Nëse nuk të kujtohet, kemi mesazhe të tjera të dërguara nga ana jote për lobimet që bën në Tiranë. Informacionet që kërkon të mbledhësh për biznesmenë apo për lobimin që bëre për Flamur Nokën apo sulmet ndaj të tjerëve./CNA.al