LEXO PA REKLAMA!

SHKARKO APP

Evi Kokalari vazhdon "lajthitjet"/ Pse u futën 30 të rinj në Këshillin Kombëtar?

6 Qershor 2022, 18:45, Politikë CNA
Evi Kokalari vazhdon "lajthitjet"/ Pse u futën 30 të rinj
Aktivistja Evi Kokalari

Aktivistja Evi Kokalari ka vijuar “lajthitjet” dhe sulmet personale ndaj Belind Këlliçit dhe të rinjve të Forumit Rinor të Partisë Demokratike.

Ashtu siç ka bërë ditët e fundit, edhe sot Evi ka treguar hapur “xhelozinë”, duke kërkuar që të rinjtë e FRPD-së të mos jenë pjesë e strukturave në parti.

Me anë të një statusi në rrjetet sociale, ajo i është kundërpërgjigjur me akuza Oleg Hankut, drejtuesit të strukturës gjimnazistët e FRPD-së, pasi ky i fundit i cilësoi shpifje deklaratat e saj.

Aktivistja që duket se po kërkon me patjetër të thellojë sa më shumë përçarjet në PD, ka akuzuar Hankun dhe Valter Meshin se janë zgjedhur në poste pa vota dhe kanë formuar klane me Belind Këlliçin.

Statusi i Evi kokalarit:

Sulmet e mia nuk jane kunder forumit rinor, por Belind Këlliçit.

Ky Oleg Hanku mos flas në emër të FRDP-se sepse vetë nuk ka qënë i votbesuar nga Forumi, por i emëruar nga Basha 2.0, ja ashtu siç u emërua dhe Enkeled Alibeaj nga Luli në 2017, pa votë dhe kundër statutit.

Evi Kokalari s'ka asgjë kundër Forumit Rinor, madje i ka sjellë Kryetarit e Të Rinjve Amerikane, pra të një organizate që kanë 5 million anëtare në Amerikë, pikërisht që ta fuqizoj atë. Unë do vazhdoj ta bëj këtë dhe do ti lidh më shumë në të ardhmen, por për momentin duhet ta çlirojmë FRDP nga klani Belindit që e kanë marrë peng atë.

Dhe ky Valter Meshi është emëruar në pozicionin e tij, nuk është votuar, ama sulmet i bën në emër të FRPD. Ky është qartazi shfrytëzim pozicioni dhe denigrim i Forumit Rinor, sepse në emër të saj nuk mund ta flasin ata qe s'jane votuar kurre nga ky Forum.

Ja pra pse këta personazhe mbrojnë e Belindit.

Tashti e kuptoni pse gjërat bëhen me Klane, që të forcojnë pozicionin e tyre siç e kishte zakon Lulzim Basha. Klanin e tij, Belindi e futi në Këshilli duke tejkaluar dhe kuotën, dhe nëpërmjet atij orientoj votën në Kryesi. Bëmë mirë që i vumë një STOP në zgjedhet e së shtunës.

Në fakt po ta duan Forumin kaq shumë, ata duhet të detyrojnë Belindin të më kthejë pergjigje publike, thjeshtë për transparencë, ndryshe dhe ata bëhen pjesë e lojrave të kryetarit të tyre.

Pyetjet që presin përgjigje janë:

Si janë futur ne Keshill 30 të rinjtë, me vote apo kuotë?

Nëse me kuotë, kuota është 15% pra 22 veta duke futur dhe Kryetarin. Po 9 të tjerët, kujt ja morrën vëndin?

Matematika është e thjeshtë. Pres pergjigje!!/ CNA.al

Evi Kokalari vazhdon "lajthitjet"/ Pse u futën 30 të rinj

Lajmet e fundit nga