web counter
LEXO PA REKLAMA!

SHKARKO APP

App Store
Google Play

E fundit!

x

Segmenti Thumanë-Kashar/ Balluku jep sqarime para deputetëve: Nuk do të vendoset asnjë tra

6 Qershor 2022, 18:43, Politikë CNA
Segmenti Thumanë-Kashar/ Balluku jep sqarime para deputetëve: Nuk do
Belinda Balluku

Ka nisur me debate seanca e sotme plenare në Kuvendin e Shqipërisë.

Segmenti Thumanë-Kashar, ka qenë një nga temat që ka përplasur deputeten e opozitës Greta Bardeli dhe Ministrisen e Energjisë dhe Infrastrukturës, Belinda Ballukun.

Deputetja Bardeli ngriti si shqetësim të qytetarëve traun që do të vendoset në aksin Thumanë-Kashar ku qytetarët pas përfundimit të rrugës do të paguajnë 2.5 euro, për të kaluar në rrugë, duke e cilësuar një koncension korruptiv.

Por i menjëhershëm ka qenë reagimi i ministres Balluku, e cila theksoi se taksimi i makinave në Shqipëri në rrugët e reja që do të ndërtohen është i njëjtë, ashtu siç ndodh në çdo vend të Bashkimit Europian.

Ajo theksoi se qeveria shqiptare është zotuar dhe i ka vendosur si kusht kompanisë koncensionare që do të vjelë taksat në Thumanë-Kashar, se nuk mund të vendosë asnjë tra në rrugë, nëse nuk do të ketë rrugë dytësore, ku qytetarët të mund të zgjedhin.

“Taksimi në rrugë nuk është një gjë e re, ajo do të funksionojë njëlloj si në çdo vend tjetër të BE-së. Ju kujtoj se qeveria shqiptare është zotuar që asnjë rrugë nuk do të ketë tra, në rast se nuk do të ketë një rrugë alternative”, tha Balluku./E.K-CNA.al

 





Lajmet e fundit nga