web counter
LEXO PA REKLAMA!

SHKARKO APP

App Store
Google Play

Berisha zbulon skandalin/ “Ballkani i Hapur” projekt rus, e vërtetoi Lavrov

6 Qershor 2022, 14:38, Politikë CNA

Berisha zbulon skandalin/ “Ballkani i Hapur” projekt rus, e

Kreu i Partisë Demokratike, Sali Berisha, shkruan se deklarata e Ministrit të Jashtëm rus, Lavrov, tregoi se "Ballkani i Hapur", është një projekt i Rusisë.

Në një postim në rrjetet sociale, Berisha thekson se kjo tregon se Edi Rama është vasal i Aleksandër Vuçiçit.

“Goebelsi i Vladimir Putinit, Lavrov i del zot Ballkanit të Hapur si projekt rus!

Pas ndalimit që i bëri Bullgaria, Maqedonia, Mali i Zi, avionit të tij për të fluturuar në hapësiren ajrore të këtyre vendeve për në Beograd, Goebbelsi i diktatorit gjakësor Putin ju deklaroi mediave serbe se ai po shkonte në Beograd për projektin e Ballkanit të Hapur.

Të dashur miq, kjo provon se Edi Rama vasal i Aleksander Vuçiç me Ballkanin e Hapur kërkon te vendosi Shqipërinë vendin anëtar të NATO-s nën hegjemoninë e Serbisë dhe influencen direkte të Rusisë.

Konkretisht Lavrov deklaroi për mediat serbe: “Natyrisht, ata që po i tërheqin fijet në Bruksel nuk e kanë dashur këtë, nuk kanë dashur që ne t'i shprehim mbështetjen tonë për Beogradin, ndër të tjera, projektin e Ballkanit të Hapur. Tashmë është e qartë për të gjithë se Brukseli, NATO dhe BE duan ta kthejnë Ballkanin në projektin e tyre të quajtur Ballkani i Mbyllur-tha ministri i Jashtëm rus.

Me këtë rast përshendes përzemërsisht vendimet e qeverive te vendeve anëtare të NATO-s për ndalimin e fluturimit të avionit të ministrit të Putinit në hapësiren e tyre ajrore dhe dënoj me forcen më të madhe aktin antikombëtar, anti europian të Edi Ramës, mbështetjen nga ana e tij të projektit ruso-serb të Ballkanit të Hapur.”-shkruan Berisha, në postimin e tij./CNA.al

Berisha zbulon skandalin/ “Ballkani i Hapur” projekt rus, e





Lajmet e fundit nga