E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

I hapi rrugën Begajt drejt Presidencës/ Ish-ministri rendit faktet, pse dekreti i Metës është i pavlefshëm

5 Qershor 2022, 09:24, Politikë CNA

I hapi rrugën Begajt drejt Presidencës/ Ish-ministri rendit faktet,

Presidenti Ilir Meta

Ditën e djeshme, Presidenti Ilir Meta firmosi live nga Stambolli dekretin për lirimin nga detyra e ushtarakut Bajram Begaj duke i hapur kështu rrugën drejt votimit më pas në Parlament si President i Republikës së Shqipërisë.

Në lidhje me këtë dekret ka reaguar ish-ministri i Drejtësisë, Ylli Manjani, i cili në një postim në rrjetet sociale, shkruan se ai dekret ose është absolutisht i pavlefshëm ose është falsifikim.

Sipas Manjanit, së pari dekreti duhet të ishte firmosur në Tiranë, në Presidencë.

Më tej, ai shkruan se “shkarkimi bëhet me propozim të Kryeministrit. Kur e pa propozimin Presidenti, përgjatë takimit me Kryetarin e Bashkisë së Stambollit, apo në anijet e Bosforit”.

“Kot për muhabet.

Jam kurioz, protokolli i Presidencës si do ta regjistrojë drekretin e djeshëm të Presidentit për lirimin e Shefit të Shtabit të Ushtrisë!?

Ai dekret llogjikisht ka elementë të fallsifimit të dokumentave zyrtarë, ose është absolitisht i pavlefshëm. Nul e i paqenë.

Fjala vjen, si do shënohet në Dekret vendi i lëshimit të tij?

Tiranë, më____?!

Po Presidenti nuk ishte në Tiranë...!!!

Arëherë do duhet të shënohet:

Stamboll, më......!!!

Stamboll?!

Firmoset një akt kushtetues në Stamboll?!

Uau!

Po selia kushtetuese e Presidentit është Tirana. Presidenti nuk e merr vulën me vete te rrypi i pantallonave!!! Aktet e shtetit firmosen në selitë zyrtare të tij, aty ku ndodh aktiviteti zyrtar dhe jo me korrespondencë!

Pse mo President në ekzil është ky?!

Kushtetuta dhe ligjet protokollare janë shpikur pikërisht për të mos lejuar zyrtarët të marrin zyrat me vete edhe në hale. Se është turp. Është mungesë dinjiteti. Është mungesë e theksuar kulture shtetërore.

Shteti nuk është qejf, por detyrim.

Kur Presidenti është i pamundur të ushtrojë deturën duhet ta ushtrojë atë Kryetari i Kuvendit. Kjo duhet të ishte zgjidhja dhe jo firmosje me kamera jashtë shteti!!!

Ky akt është ligjërisht i pavlefshëm. Shtetërisht i papranueshëm.

Nuk po i hyj elementëve të tjerë të përmbajtjes së dekretit. Fjala vjen, shkarkimi bëhet me propozim të Kryeministrit. Kur e pa propozimin Presidenti, përgjatë takimit me Kryetarin e Bashkisë së Stambollit, apo në anijet e Bosforit?!!

Pra ai dekret ose është absolutisht i pavlefshëm ose është falsifikim.

E akuzoi si "kaçak" dhe këtë dekret "kaçakshe" e bëri...”-shkruan Ylli Manjani.