Parlamenti votoi Begajn/ Ambasada gjermane: Zgjedhja e Presidentit, mbi politikën e ditës

4 Qershor 2022, 20:13, Politikë CNA
Parlamenti votoi Begajn/ Ambasada gjermane: Zgjedhja e Presidentit, mbi
Presidenti i sapozgjedhur, Bajram Begaj

Ambasada gjermane në Tiranë ka përzgëzuar Bajram Begajn për zgjedhjen si President i ri i Republikës.

Ambasada gjermane deklaron se zgjedhja e Kreut të Shtetit qëndron mbi politikën e ditës dhe krijon mundësinë për tu angazhuar në shenjë të bashkimit.

“Përgëzoj përzemërsisht z. Bajram Begaj për zgjedhjen si President i ri i Republikës së Shqipërisë ditën e sotme. Zgjedhja e Presidentit qëndron mbi politikën e ditës. Ajo krijon mundësinë unike për tu angazhuar në shenjë të bashkimit si dhe – nisur nga sfidat, përpara të cilave gjendet Shqipëria - për të punuar në kapërcimin e llogoreve politike e për të mbështetur kulturën e bashkimit përtej partive. Në këtë kontekst i uroj z. Bajram Begaj shumë forcë e çdo të mire”, thuhet në deklaratë.

Ndërkohë, kujtojmë se Parlamenti zgjodhi Begajn President me 78 vota pro, 4 kundër dhe një anonim.

Betimin si Kryetar Shteti, Begaj do ta bëjë më 25 korrik, në datën kur përfundon mandati i Ilir Metës./ B.A. – CNA.al

Lajmet e fundit nga