LEXO PA REKLAMA!

SHKARKO APP

Bajram Begaj në Parlament/ 'Justifikohet' grupi i Alibeajt

4 Qershor 2022, 17:19, Politikë CNA
Bajram Begaj në Parlament/ 'Justifikohet' grupi i Alibeajt
Deputetët Oriola Pampuri dhe Enkelejd Alibeaj

Grupi parlamentar i Enkelejd Alibeajt ka reaguar për kalimin në Kuvend për votim, të kandidaturës së mazhorancës për Presidentin e ri, Bajram Bega.

Zëdhënësja e grupit, Oriola Pampuri shprehet se zyrtarizimi i emrit të kandidatit është një proces i njëanshëm, i fshehur pas artificave procedurale.

Ajo 'justifikohet', teksa thotë se grupi i Alibeajt dëshironte të zgjidhte një President që përfaqëson unitetin e popullit, por Edi Rama dhe mazhoranca nuk iu përmbajtën marrëveshjes.

Me anë të një deklarate për mediat, Pampuri thekson se Begaj nuk mund të kundërshtohet se është ushtarak, por se është zgjedhje personale e Edi Ramës, në bashkëpunim me mafian e pronave shtetërore.

“Edi Rama do zyrtarizojë sot në mënyrë të njeanshme emërimin e Presidentit të Republikës, që nxorri dje nga xhepi, pa asnjë proces gjithëpërfshirës dhe transparent. Propozimi i kandidatit për President nga nongratat e Grupit Parlamentar të Partisë Socialiste, të damkosur nga SHBA se kanë vjedhur vota në bashkëpunim me krimin e organizuar, është prova e qartë e mungesës së legjitimitetit të PS për të zgjedhur njëanshmërisht Presidentin e Republikës.

Partia Demokratike bëri gjithçka dhe u përfshi në proces, në respekt të qytetareve dhe përgjegjësive të veta kushtetuese. Ne nuk bojkotuam, nuk u fshehëm, nuk bëmë retorikë politike. Tentuam të ndërtonim një proces që i jepte Shqiperisë një President që përfaqëson unitetin e popullit. Edi Rama nuk donte një proces gjithëpërfshirës, u tërhoq nga marrëveshja me opozitën dhe provoi para shqiptarëve që përbetimi se ishte i gatshëm për President konsensual ishte një mashtrim publik.

Legjitimimi i këtij procesi të njëanshëm dhe fshehja pas artificave procedurale, gjoja me votë kundër sepse është ushtarak, është shërbimi më i mirë për t’i dhënë tiparet e normalitetit demokratik regjimit të Edi Ramës. Bajram Begaj nuk mund të kundërshtohet se është ushtarak, por se është zgjedhje personale e Edi Ramës, në bashkëpunim me mafian e pronave shtetërore. Çdo cicërimë e ndryshme është thjeshtë fasadë për të fshehur legjitimimin e kapjes së një tjetër institucioni të pavarur nga Edi Rama, pikërisht nga të njëjtët individe që deri dje akuzonin duke shpifur kolegët e tyre se po beheshin pjesë e “farsës”, thuhet në deklaratë./ B.A. – CNA.al

Lajmet e fundit nga