web counter
LEXO PA REKLAMA!

SHKARKO APP

App Store
Google Play

Pse nuk u propozua Fatos Nano për President?/ Zbardhen prapaskenat  e “zarfit”

4 Qershor 2022, 10:54, Politikë CNA

Pse nuk u propozua Fatos Nano për President?/ Zbardhen prapaskenat  e

Kryeministri Edi Rama ka hedhur dritë mbi procesin e Presidentit në zarf, zhvilluar brenda grupit parlamentar të Partisë Socialiste.

Sipas Ramës ka pasur 3 drejtime ku kanë përcaktuar profilet e propozimeve të bëra. Ndër të tjera ai ka zbuluar se përse nuk u propozua Fatos Nano si kandidat për President.

Rama tha se në drejtimin e dytë ishin figurat që kanë pasur kontribut në PS dhe një nga emrat ishte ai i ish-kryesocialistit Fatos Nano.

Sipas tij, kjo nuk ndodhi pasi PS-ja ka barrën që të jetë partia e të gjithëve.

"Patëm tri drejtime të përcaktuara prej profileve të propozimeve të bëra. Njëri drejtim ishte i të vetë propozuarve këtu në grup, i cili u përjashtua menjëherë. E kemi thënë publikisht që në krye të herës. Nuk do të kishim një kandidat nga grupi parlamentar i PS-së. Drejtimi i dytë ishte për ata që kanë pasur një kontribut në PS. Që nga ish-kryetari i PS-së Fatos Nano. Ne pamë të arsyeshme që edhe këtë drejtim ta përjashtojmë nga mundësia e përfshirjes në përzgjedhje. Kjo pasi PS ka barrën që të jetë partia e të gjithëve. Kështu u fokusuam te drejtimi i tretë, ku grupi kishte vënë në dispozicion 26 kandidatura gra dhe burra të nderuar. Me profile të ndryshme që nga profilet e jetës publike dhe akademike e deri te profile që vinin nga të tjera drejtime politike. Pas një diskutimi shumë cilësor, dhe mbas vënies në peshore të çdo kandidature duke ruajtur respekt për të gjithë personat. Në fund patë, 6 kandidatura që morën më shumë kohë për t'u shoshitur dhe pastaj konsesnualisht, duke i dëgjuar dhe me shumë vëmendje ato që u thanë, në mënyrë shumë konsensuale. Por u bë një diskutim shumë serioz, sa kohë i takon botës njerëzore nuk mund të jetë 100% perfekte. U arrit në konkluzionin që mund të propozonim këtë kandidaturë." - tha Rama./CNA.al





Lajmet e fundit nga