web counter
LEXO PA REKLAMA!

SHKARKO APP

App Store
Google Play

E fundit!

x

“Presidenti siç pritej!”/ Elezi “shuplakë” grupit të Alibeajt: Nuk iu falet…

3 Qershor 2022, 22:00, Politikë CNA
“Presidenti siç pritej!”/ Elezi “shuplakë”
Ish-kryetari i PD-së së Kukësit, Ibsen Elezi

Ish-kryetari i PD-së së Kukësit, Ibsen Elezi, ka reaguar ashpër ndaj grupit të Enkelejd Alibeajt që u ul në tryezë me mazhorancën për zgjedhjen e Presidentit të ri.

Duke marrë shkas nga propozimi i Bajram Begës si kandidat për President nga PS, Elezi kritikon grupin e Alibeajt, teksa deklaron se i dha mundësinë Edi Ramës të përdorë situatën në favor të një plani të paramenduar.

Sipas tij, opozita që në fillim duhej t’i kishte lënë në tavolinë 2 figura të djathta, të njohura publikisht dhe jashtë subjekteve politike.

“Presidenti siç pritej!

E majta pasi ka futur në kontroll të plotë ekonominë, po projekton kontrollin e plotë të institucioneve për të pakten edhe 1 dekadë.

Që Presidenti do ishte një figurë jashtë politikës dhe me formim tërësisht të majtë, s'kam patur dyshimin më të vogel, ky ishte një plan i dukshëm i Ramës.

Opozitës nuk i falet që i dha mundësinë Ramës ta përdorë këtë situatë në favor të një plani të paramenduar.

Opozita që në fillim duhej t’i kishte lënë në tavolinë 2 figura të djathta, të njohura publikisht dhe jashtë subjekteve politike, jo se Rama do i miratonte, por të pakten s'do kishte justifikim para opinionit publik.

Kjo nuk është përgjegjësi veç e këtyre të emëruarve të Bashës që s'dinë ç'janë e ç'bëjnë, por e të gjithë Grupit Parlamentar.

Kam kaq kohë them se elita drejtuese e PD është mbushur me figura oportuniste që duhen zëvendësuar sa më shpejt, për mos të thënë që një pjesë e mirë janë të kapur dhe një pjesë tjetër janë të majtë në formim.

Nuk ecet para dhe as mundet sistemi mafoz-oligarkik i Ramës me një forcë opozitare me mentalitet po të majtë dhe me drejtues që s'mendojnë dot me kokën e vet dhe s'kanë asnjë ide të qartë”, shkruan Elezi në rrjetet sociale./ B.A. – CNA.al





Lajmet e fundit nga