web counter
LEXO PA REKLAMA!

SHKARKO APP

App Store
Google Play

PS zgjedh kandidatin për President/ Rama zbulon emrin

3 Qershor 2022, 19:19, Politikë CNA
PS zgjedh kandidatin për President/ Rama zbulon emrin
Edi Rama

Bajram Begaj do të jetë kandidati i mazhorancës për postin e Presidentit të Republikës.

Pas më shumë se dy orë mbledhje me dyer të mbyllura, Partia Socialiste ka dalë me një emër konkret për kreun e shtetit.

 Bajram Begaj do ti kalojë ditën e nesërme për votim parlamentit. Pas dështimit të tre raundeve të para ku duheshin 84 vota, në raundin e katër kreu i ri i shtetit zgjidhet me shumicë të thjeshtë, vota të cilat mazhoranca qeverisëse i ka e vetme. Emri i Bajram Begaj është zgjedhur mes 26 emrave të propozuar në kryesinë e Partisë Socialiste.

Pas zgjedhjes se emri, ai do ta dërgohet nesër në grupin parlamentar, i cili do të mblidhet paradite rreth orës 10:00 për të marr firmat e nevojshme të deputet deputetëve.

Kushtetuta përcakton se duhen të paktën firmat e 20 deputetëve për mbështetjen e një kandidati për President të Republikës.

Më pas firmat do depozitohen zyrtarisht në Kuvendin e Shqipërisë. Afati maksimal, i cili është përcaktuar në konferencën e fundit të kryetarëve është vendosur ora 12:00 e ditës së nesërme e më pas, në orën 16:00 do të mblidhet Komisioni i Ligjeve, i cili do të shqyrtojë kushtetueshmërinë, kriteret ligjore kushtetuese të kandidatit të propozuar nga PS, për t’iu drejtuar në orën 18:00  seancës së posaçme parlamentare për raundin e katërt për zgjedhjen e Presidentit. Kushtetuta përcakton që në këtë raund, Presidenti zgjidhet me minimumi 71 vota./ CNA.al





Lajmet e fundit nga