web counter
LEXO PA REKLAMA!

SHKARKO APP

App Store
Google Play

E fundit!

x

“Ethet” për lidershipin e ri/ Zbulohen 6 emrat në garë për Sekretar të Përgjithshëm dhe nënkryetarë të PD-së

3 Qershor 2022, 14:44, Politikë CNA
“Ethet” për lidershipin e ri/ Zbulohen 6 emrat në
Selia e PD-së

Kryetari i Partisë Demokratike, Sali Berisha, pritet që pasditen e sotme, në orën 17:00, të mbledhë Këshillin Kombëtar të PD-së, ku do të propozojë emrat e kandidatëve për Sekretar të Përgjithshëm të kësaj force politike dhe nënkryetarët.

Burime për CNA.al bëjnë të ditur se janë gjashtë emra në garë, për postin e Sekretarit të Përgjithshëm dhe nënkryetarët.

Të njëjtat burime bënë të ditur se në garën për Sekretar të Përgjithshëm të PD-së, janë dy emra, Flamur Noka, si dhe Arben Ristani.

CNA.al e ka raportuar edhe më parë që një ndër favoritët për t’u zgjedhur Sekretar i Përgjithshëm, është Flamur Noka.

Nga ana tjetër për nënkryetarë të PD-së, në garë janë katër emra.

Së pari, është deputeti Oerd Bylykbashi, i cili ka shprehur ambicien për postin e nënkryetarit të Partisë Demokratike.

Ndërsa tre emra të tjerë që pritet të garojnë janë deputeti Agron Shehaj, kreu i FRPD-së, Belind Këlliçi, si dhe deputeti i Elbasanit, Luçiano Boçi.

Pra, për postin e Sekretarit të Përgjithshëm janë në garë dy kandidatë, ndërsa për nënkryetarë të PD-së, katër kandidatë, të cilët do të votohen sot nga Këshilli Kombëtar.

Njëri nga nënkryetarët që do të votohet do të jetë kryetar i grupit parlamentar të PD-së, ndërsa tjetri nënkryetar i Kuvendit./CNA.al

 





Lajmet e fundit nga