web counter
LEXO PA REKLAMA!

SHKARKO APP

App Store
Google Play

Presidenti/ Ndreca: Opozita duhet të kishte zgjedhur një emër ekspozues, mazhoranca do të humbte ‘aksione’

2 Qershor 2022, 22:13, Politikë CNA
Presidenti/ Ndreca: Opozita duhet të kishte zgjedhur një emër
Plarent Ndreca

Juristi Plarent Ndreca e ka quajtur të gabuar mënyrën se si veproi opozita në procesin për zgjedhjen e presidentit të ri ri. I ftuar në “Top Story”,  Ndreca tha se opozita e pa si proces që varej nga mazhoranca, dhe ky ishte gabim pasi në të vërtetë ishte i varur nga sjelljet e saj.

Ai tha se opozita duhet të kishte zgjedhur një emër ekspozues dhe mazhoranca do të humbte ‘aksione’ nëse do të ishte poshtë. Në këto kushte, avokati tha që tashmë nuk është çudi që do e zgjedhë mazhoranca kreun e ri të shtetit.

“Vetë kushtetuta e jep të drejtë, nuk ka nevojë të ta japë mazhoranca. Ky është gabimi që bënë opozitarët, e panë si proces të varur nga maxhoranca, por ishte i varur nga sjelljet e opozitës dhe mazhoranca ka sjelljen e saj kushtetuese dhe merr përgjegjësitë e saj.

Çfarëdolloj loje e zëmë se ka bërë mazhoranca, opozita nuk ka pse të jetë pjesë e kësaj, por në të mirë të vendit. Në tri raunde mazhoranca nuk i ka numrat, opozita duhet jetë aktive, por numrat i ka mazhoranca, ka për të vendosur dhe kjo nuk është çudi.

Nuk është parashikim biblik që do e zgjedhë mazhoraca, nëse opozita nuk ushtron të drejtat e saj. Nëse opozita do të kishte një nxjerrë një emër vërtetë ekspozues dhe me risqe nëse do të hidhej poshtë. Edhe nëse do të rrëzohej, do të humbte aksione krahu që do e rrëzonte.

Qenia pasive e kthen procesin rutinor, pastaj mazhoranca do e zgjedhë se nuk do e lërë pa president. Edhe ai që do zgjidhet të shtunën, nuk do të thotë se duhet të jetë i mazhorancës patjetër”, tha Ndreca./CNA.al





Lajmet e fundit nga